Erngunneq pujortarnerlu millisinneqanngillat
Inuunerittap - nunatsinni inuunerunnerilersitsinissamik anguniakkap manna tikillugu anguniakki angunngilaa
Meeqqat inuusuttullu akornanni imigassatortarneq pujortartarnerlu ukiuni qaangiuttuni ilorraap tungaanut ingerlasunganngilaq. Peqqinnissaqarfimmik oqartussaaffeqartut pujortarnermik aamma hashitornerup annikillisarneqarnissaanik anguniagaasunit atuineq anneroqaaq.
Nunatsinni meeqqat atuarfiini peqqissutsimik misissuinerup inernerniliussaani qanittumi saqqummiunneqartussami taama allassimasoqartoq KNR allappoq.
”HBSC Greenland-undersøgelsen 2010”, 2006-imit 2010-mut ineriartornermik misissuinerup paasinarsisippaa, Kalaallit Nunaanni meeqqat atuartut akornanni peqqissuseq pitsaanngitsuusoq.
Meeqqat 11-niit 16-inut ukiullit aalakoornermik misiliisimasut ukioqatigiikkuutaani tamaginni amerlisimapput, 2010-mi meeqqat pingasut sinnerlugu aalakoorsimasut ersarissumik amerlipput.
Hash, tupatorneq aamma naamaaneq
Nalunaarusiami hashi pillugu immikkoortortaq taamattaaq nuannaajallaatissaanngilaq.
Naak inuusuttut 15-17-inut ukiullit 2010-mi hashimik pujortarsimasut 25 procentimiit 19 procentimut apparsimagaluartut, Inuunerittap anguniagaanut ikileriaat qanillattoqqajanngilaq anguniagaammat 10 procentip ataannissaa.
11-16-init ukiullit akornanni amerlanerulaartut pujortarneq misilissimavaat, angajulliit affaat ullut tamaasa pujortarput 2006-imi aamma 2010-mi.
2010-mi 16-inik ukiullit 25 procentiisa naamaarne misilissimavaat. 2006-imi 14 procentiisa, tassa uani paarlattorluinnaanik ineriartortoqarpoq. Anguniarneqarmat sapinngisaq naapertorlugu annikinnerpaaffimminiilissasoq nul'iusinnaanngikkuni.