saassussineq
Frankrigimi sakkutuut biilimik aporneqartut – arlallit aqqunarsimapput
Frankrigimi politiit Parisimi sakkutuut aporneqarnisa kingorna biili ujaaraat, Reuters allappoq.
Parisip avataatungaani illoqarfimmi Levallois-Perretimi frankrigimiut sakkutuut biilimit, aporneqarsimapput. Franskit radioat nutaarsiassaqartitsivik Reuters naapertorlugu nalunaaruteqarpoq.
Sakkutuut arfinilli aqqunarsimapput. Taakkunannga sisamat annikinnerusumik aqqunarsimapput marlulli ajoqusingaatsiarsimallutik, tusagassiiviit arlallit naapertorlugit nalunaarutigineqarpoq.
Biilimik ingerlatsisoq Parisip eqqaani pingasunngornerup ullaavaani sakkutuunik arfinilinnik apuisoq qimaasimavoq, nutaarsiassaqartitsivik AP allappoq.
Politiit biili ujaarigaat, Reuters allappoq.
Parisip avannaatungaani angut biilimik sakkutuunik apuisuusoq, franskit nutaarsiassaqartitsiviat BMF TV allappoq.
Pingasunngornermi ullaakkut Frankigimi illoqarfiup avataatungaani BMW-p sakkutuunik arnilinnik apuisoq piaaraluni taamaaliorsimanissaa qularutissaanngitsoq, borgmesteri Patrick Balkany, nutaarsiassaqartitsivik Reuters naapertorlugu oqarpoq.