Aleqa qineqqusaassava?
Hammondip qinigassanngortinnissaa pillugu Siumut suli aalajangiinngilaq
Naalakkersuisunut siulittaasuusimasup Aleqa Hammondip Folketingimut qineqqusaarnissaa pillugu isumaliuteqarnera AG-mit sapaatip akunnerani matumani allaaserineqarpoq. Partiimili suli aalajangiisoqarsimanngitsoq partiip siulittaasua oqarpoq
Siumut Nuuk aqqutigalugu Folketingimut qinersinissamut qineqqusaartussatut toqqaannanngitsumik Aleqa Hammond AG-mi sapaatip matumani saqqummersumi isumaliuteqarpoq.
Siumup siulittaasua Kim Kielsen tallimanngornermi naqqiissuteqarpoq.
- AG-imi saqqummersumi Aleqa Hammond pillugu allaaserisamut tunngatillugu erseqqissaatitut akissutigissavara, Siumup sumulluunniit qinersisoqarniartillugu qineqqusaartitassani tamaasa partiip pisussaaffiisigut naligiimmik sullinniartarmagit periarfissaqartinniartarlugillu, partiip Facebookimi quppernerani allappoq.
Nalilersuisoqaqqaassaaq
Kim Kielsenip oqaatigaa partiimi Siumumi aalajangiipallattoqarneq ajortoq.
- Qineqqusaartussat kikkuussanersut qanorlu amerlatigissanersut siulersuisuunerit aaliangigassaraat, taamaaliorumaarlutillu nalilersugassat tamarmik nalilersorneqareerpata, Kim Kielsen allappoq.
Aleqa Hammondip politikkikkut akuuleqqissinnaanera pillugu AG-mi allaaserineqartoq atuarneqarsinnaavoq. Aviisi ataani pisiariuk: