Hardenbergip mailersimanera pillugu IA paasisaqarnerorusuttoq

Naalakkersuisut siulittaasuata Naalakkersuisoqarfiani pisortaasoq Svend Hardenbergip qinikkamut kukkusoqarneranik naqqeeqqusinera annertuliuutissaanngitsoq Naalakkersuisut siulittaasuannit Kim Kielsenimit oqaatigineqartareerpoq. Taamaakkaluartoq Inuit Ataqagiinnit tamanna pillugu annertunerusumik paasissutissanik perusuppoq.

Taamaammat Inuit Ataqatigiinnit Naaja Nathanielsen paragraf 37 naapertorlugu Naalakkersuisunut apeqquteqarpoq.

- Namminersorlutik Oqartussat suliassaataasa isumaginerini namminerisamik e-mailit atorneqarnerat isumakulunnartoqartippara, Naaja Nathanielsen oqarpoq.

Inatsisit naapertorlugit ingerlatsisoqarpa?
Paragraf 37 naapertorlugu apeqquteqarnini Naaja Nathanielsenip ima itisilerpaa:

- Pisortanit saaffiginnissut namminerisamik e-mailimit nassiunneqarpat tamanna namminerisamik saaffiginnissutitut kukkusumik paasineqarsinnaavoq – tassa imaappoq nalunaarutigineqartoq pisortaneersuunngitsutut nassiussisumiilli namminerisameersuu-sutut paasineqarsinnaassalluni.

- Saaffiginnissullu namminerisamik e-mailimit nassiussaq erngertumik nalunaarsorne-qanngippat tamanna suli ajornakusoornerusutut isikkoqalissaaq. Taamaalillunimi tamanut inatsisiliorneq aamma ingerlatsineq pillugu inatsisinut akerliusumik iliortoqassaaq – taamatullu nalunaarummut pineqartumut takunnikkumasunut mattussinerusinnaalluni, Naaja Nathanielsen oqarpoq.

IA-mi politikkeri paragraf 37 naapertorlugu sisamanik ima apeqquteqarpoq:

• Siulittaasup Naalakkersuisoqarfiani pisortaanerup 21. januar Naalakkersuisut Siulittaasuat sinnerlugu Nick Nielsenimut ilumuunnginneraanissaanik piumasaqarami namminerisamik emailimit allanneranut suna peqqutaava?
• Maili taanna kingorna nalunaarsorneqarpa, taamaattoqarpallu qanga tamanna piva?
• Namminersorlutik Oqartussat sinnerlugit suliaqaraanni taava namminerisamik e-mailimik atuinissaq nalinginnaasuua?
• Namminersorlutik Oqartussanit kiffartuussinermi imaluunniit paasissutissee¬qa-tigiinnermi namminerisamik e-mailit atornerinut Naalakkersuisut allanik ilisimasaqarpat?

AG-mi sapaatip akunnerani matumani allaaserineqartut atuarneqarsinnaapput 'Immikkut ilisimasalik: Nick Nielsenimik soraarsitsineq pissaanermik atornerluinermut assinguvoq', 'Nickip soraarsitaaneranut pissutaasoq ilumoortoq: Hardenbergip isertukkamik naalakkiuteqarneranik kalerriuteqarsimanini pillugu peersitaasoq' kiisalu Pituffimmi kiffartuussinermut isumaqatigiissutip annaaneqarneranut tunngassuteqartut allat. AG ataani pisiariuk:

AG Uge 09 2015

Klik her for at læse