Hotel Arcticip nerisassiullaqqissutsi nersornaatisissutigaa
Hotel Arcticip Ilulissaniittup neriniartarfittaa ullumi tusarlerneqarpoq Nunat Avannarliit Ministerrådiata nerisassiullaqqissunut nersorniutigisartaagaanik 'Ny Nordisk Mad'-imik tunineqarlutik.
Annonse
Nersornaat ukiut tamaasa tunniunneqartartoq neriniartarfimmut nunanit avannarlerneersunut, pitsaasumik nerisassiortartunut tunniunneqartartoq, knr.gl allappoq.
Nersornaat 100.000 koruuninik aningaasartaqarpoq Hotel Arcticillu pisortaa Erik Bjerregård tulluussimaaqaaq.
– Talligut appartissinnaanngingajappagut. Sulisutsinnut tamanut nersuiniarneruvoq. Tulluusimaaqaagut unammisitsinermi peqataasut neriniartarfiit tusaamasaanerpaat soorlu Michellinip ulloriaanik pillit, NOMA-kkutut ittut akornanni ajugaasinnaagatta, Erik Bjerregård oqarpoq.
Nersornaat nunat avannarliit Reykjavikimi ataatsimiinnissaanni novembarip qeqqani pisussami tunniunneqassaaq.