qinersineq
IA qularutissaanngitsumik ajugaanissaa misissuinerup takutippaa
Siumut 13,9 procentpointinik kinguariarnissaa Epinionip misissugaani takuneqarsinnaavoq
Illuatungiuliuttuni partii annersaat Inuit Ataqatigiit Kalaallit Nunaanni partiini anginerpaanngussasoq misissuinerup takutippaa.
Epinionip KNR aamma Danmarkip Radioa sinnerlugit qinersisartut isumaannik misissuinerata aamma takutippaa Inuit Ataqatigiit siulittaasuat Sara Olsvig siuttoralugu partii apersorneqartut 36,9 procentiisa Inuit Ataqatigiit qinernissagaat.
Epinion naapertorlugu qinersinermili matumani Siumumik qinersiniartut 29,3 procentiussasut misissuinerup ersersippaa - tassalu 13,8 procentinik Inatsisartunut qinersinermi kingullermit kinguariaateqassalluni.
Sara Olsvig Naalakkersuisut siulittaasuattut
Apersorneqartut toqqaannartumik aperineqarnerminni 41 procentiisa Naalakkersuisut siulittaasussaattut Sara Olsvig toqqarpaat. Naalakkersuisunut siulittaasuugallartoq aamma Siumup siulittaasua Kim Kielsen apersorneqartut 26 procentiisa Naalakkersuisut siulittaasuattut piukkullugu.
Nuna tamakkerlugu inuit 731-t apersorneqartut KNR ilisimatitsivoq