Folketingimut qinersineq
ICC: Qinersisinnaatitaanermut pisinnaatitaaffeqarneq taamaammat atorneqartariaqarpoq
Folketingimut qinersinermut qinersisinnaasut tamarmik qinersisariaqartut ICC kaammattuuteqarpoq
Kalaallit Nunaannit polikkerit marluk Folketingimut qinerneqassapput. Qinersisoqarnissaa ICC-p Kalaallit Nunaanni immikkoortortaqarfiani siulittaasup Hjalmar Dahlip kaammattuutigaa.
- Inuit Issittormiut Siunnersuisoqatigiiffianniit qinersisinnaasut tamaasa qinersisinnaanertik atorluarlugu qinersiartornissaannik kajumissaarusuppakka. Ilami ilisimavarput akisussaaffiit amerlasuut suli nunattta Danmarkimiit tigunngikkai taamaalillutillu Folketingimi suliassaallutik.
- Nunatsinni inuiaqatigiit, tassalu innuttaasut, peqatigiiffiit soqutigisaqaqatigiillu ataatsimut tassaavugut akisussaaffinnik tigusisussat. Qinikkat kisimik suliassaq annertooq kivissinnaanngilaat! ICC-mi isumaqarpugut suliassat annertuut tamakku ataatsimoorluta suleqatigiiffigalugit kivittariaqariaqarivut.
- Taamaaliortariaqarpugut Nunarput pillugu. Taamaattumik neriuutigaara kissaatigalugulu nunarput sinnerlugu Folketingimut isertussat innuttaasunik suleqateqarusussutertik pillugu qinigaajumaartut, Hjalmatr Dahl tusagassiutinut nalunaarummi allappoq.
2011-mi kingullermik Folketingimut qinersisoqarpoq.