ICC: Tulliani Ilulissani

ICC-p tulliani ukiut sisamat qaangiuppata ataatsimeersuarnissaata Nunatsinni pinissaa ilisimaneqareerpoq. Tassami nunat akornanni paarlakaattoqartarmat.

Taamaattorli nunap suatungaani ataatsimiittoqassanersoq pisssanngatigineqarpoq. Tassami kommunit pingasut qaaqqusisuunissaminnut piumasimapput. Kommune Kujallermi borgmesteri Kiista P. Isaksen inersuarmiippoq, Avannaata Kommunianit borgmesteri Palle Jeremiassen aamma Kommune Qeqertalimmi pisortaq Hans Peter Poulsen aggersimalluni.

Kalaallit Nunaanni ICC-p siulittaasuata, Hjalmar Dahlip, ataatsimeersuarnissap tulliani 2022-mi Ilulissat qaaqqusisuunissaa nalunaarutigimmagu Palle Jeremiassen qiimmatsappoq.