Ilinniakkamik naammassisut
Ilinniarnertuunngorniarfiit rekortileeqqipput: Ineriartorneq ima isikkoqarpoq
Nunatsinni ilinniarnertuunngortartut amerlatsikkiartuinnavipput, ilinniartoqarfinnilu naammassisut aatsaat taama amerlatigaat
Ilinniartoqarfinni naammassisoqaqattaarnera Sermitsiaq.AG-mi allaaserineqallattaareerpoq. Ilinniarnertuunngortullu aatsaat taama amerlatigaat.
Ilinniarnertuunngortut kingulliit ullumi tallimanngornermi allagartartaartinneqassapput.
Ilinniarnertuunngorniarfinni ukiuni pingasuni ilinniartut katillugit 344-it ilinniarnertuunngussapput, tassunga ilanngullugit HTX-imik ilinniarnermi 89-it, HHX-imilu ilinniarnermi 27-t.
GU-mi, HTX-imi aamma HHX-imi ilinniartut nalinginnaasumik, teknikkikkut niuernermilu ilinniartut ukioq manna kingulliullutik allagartartaassapput, tassa aappaagu ilinniarnertuunngorniarfimmi tamarmiusumi nutaami – GUX -siullermeerluni ilinniarnertuunngortoqassammat.
Ilinniarnertuut 344-t saniatigut inersimasunut ilinniarnissamut piareersarluni ukiumi ataatsimi pikkorissarnermi pikkorissartut katillugit 38-t ukioq manna allagartartaassapput.
Amerliartuinnartut ilinniarnertuunngortarput, ilinniarnertuunngorniarfiillu aammaarlutik rekortertik pitsanngortippaat. Ukiuni pingasuni ilinniarnermi aamma ilinniarnissamut piareersarluni ukiumi ataatsimi pikkorissartut ukiuni tallimani kingullerni ineriartorneq kisitsisini ataaniittuni takutinneqarpoq:
2010: allagartartaartut 260
2011: allagartartaartut 298
2012: allagartartaartut 315
2013: allagartartaartut 333
2014: allagartartaartut 382