Ilinniarnertuunngorniarfik internettikkut ilinniartitsisalissaaq
Sisimiuni ilinniarnertuunngorniarfiup septembarimi aallartereersumik ilinniarnertuunngorniarnermut ilaasumik internettikkut ilinniarnertut ittut ilassutitut ilinniarnerit aamma ilinniarnerit ataasiakkaat arlallit neqeroorutiginiarpai.
Sisimiuni ilinniarnertuunngorniarfik misiliilluni najugaq qimannagu ilinniagaqarsinnaanermik aallartitsissaaq.
Atuarfiup ukiup atuarfiusup 2019 aallartinnerani ilinniartunut nutaanut neqeroorsinnaalernissaa neriuutaavoq, matumanilu atuartut
ilinniarnertuunngorniarnissamut piareersarfiusumik ilinniarnermi ukiunik marlunnik sivisussusilimmi aamma naliginnaasumik ilinniarnertuunngorniarnermi ukiunik pingasunik sivisussusilimmi angerlarsimaffimmi aallartissinnaanissaat neriuutaalluni.
Suliniutit pissaganartut Ilinniartitaanermut Naalakkersup Vivian Motzfeldtip Mikivsuk Thomassenimut paragraf 37 naapertorlugu akissuteqaataani allassimapput.
Immikkut pisariaqartitsisunut neqeroorsinnaaneq
- Ilinniarnertuunngorniarnermik internettikkut ingerlanneqartumik
neqerooruteqarsinnaanermi aamma assersuutigalugu ilinniartut immikkut pisariaqartitallit neqeroorfigineqarsinnaapput, tassami ilinniarnertuunngorniarfinni ilinniarneq ilusilersorluakkamik ingerlanneqartarmat aamma ilinniarneq naliginnaasoq
malinnagu najuunnissaq pisariaqartinneqanngimmat, akissuteqaammi allassimavoq.
Vivian Motzfeldtip ilanngullugu paasissutissiaraa, perorsaanermi susassaqarfiup iluani isumaginninnerullu iluani najugaq qimannagu ilinniarnissamut neqeroorsinnaanermut periarfissanik misissuilluni aallartitsisoqarsimasoq.
- Aammattaaq taartaallutik ilinniartitsisut qaffassarnissaannut qanoq
pisariaqartitsisoqartiginersoq misissorniarlugu aallartitsisoqarsimavoq, tassani najugaq
qimannagu ilinniarnissamut aaqqiissutissat periarfissanut ilaatillugit, Vivian Motzfeldt akissuteqaammini allappoq.