Ilisimatooq: Kalaallit Nunaata kissaatai naalakkersuisunit isiginiarneqarput
Sulinermik inuussutissarsiutillit kattuffiat aamma naalakkersuisut qanimut suleqatigiinnerat ullumikkut atuutinngilaq. Taamaattumik LO-siulittaasui eqqartuussivinnik eqqarsaatersuuteqarput
Socialdemokratinit aqunneqartut naalakkersuisut pingaarnertut nalilerpaat Kalaallit Nunaanni aningaasarsiornikkut ineriartortoqarnissaa aamma kalaallit suliniutinut angisuunut inatsisitut kissaataat.
- Sulinermik inuussutissarsiortut kattuffiata naalakkersuisullu akornanni qanimut suleqatigiinneq ullumikkut atuutinngilaq, sulinermik inuussutissasiortunik ilisimatusartoq Aalborg Universitetimeersoq Flemming Ibsen oqarpoq.
- Naatsorsuutigineqarsinnaanngilaq Socialdemokraatit aamma kattuffissuit imminnut unneqqarissumik attaveqatigiinneranni isummiussat imminnut naleqqussarnerat, taanna oqarpoq.
- Sulinermik inuussutissarsiortut kattuffiani aqutsisut naalakkersuisut nunat tamalaat akornanni maalaartarfimmut tunniunneqarsinnaanerat, Danmarkip suliniutinut angisuunut inatsit immikkut ittoq akuersissutigissappassuk.
Taamannak pisoqarpat naalakkersuisuisut naatsorsuutigisariaqarpaat FN'imi sulinermut tunngasunik kattuffissuarmut ILO-mut suliassanngortinneqarsinnaanertik. 3F aamma LO'p suliniutinut angisuunut inatsit akuersaarneqarsinnaanngilluinnarpaat aamma nunani tamalaani isumaqatigiissutaasunik unioqqutitsinerarlugu.
- Naalakkersuisut qallunaat sulinermik inuussutissarsiortut kattuffissuat isiginianngilaat. Soorunami taanna tunuliaqutaralugu oqimaalutaralugulu ingerlatsiniartoqarpoq, uertoortinneqarnaviaranilu, Flemming Ibsen oqarpoq.
Taamaattumik sulinermik inuussutissarsiutillit naalakkersuisut pillugit suliassanngortitsisinnaapput.
Flemming Ibsen naapertorlugu sulinermik inuussutissarsiutillit kattuffiannut qanimut suleqateqarneq siornatigut ministeriunerusup Poul Nyrup Rasmussen, Socialdemokratit nalaanili ajorsipput, maanna naalakkersuisutut issiasunit pitsanngortinneqarani.
- Naalakkersuisut namminneq politikkimik ingerlatsisussaapput sulinermik inuussutissarsiutillit eqqarsaatiginagit. Taakkua siullinneqanngillat, taanna oqarpoq.
Suliassaqartitsinermik ministeri aamma ilannguppoq
Naalakkersuisunit oqaaseqartitsiniaraluarneq iluatsinngilaq, kisiannni suliassaqartitsinermik ministeri Mette Frederiksen, Socialdemokratineersoq mailikkut Rirzaumut allappoq:
- Naalakkersuit pisinnaatitaaffiit akisussaaffiillu agguataarnerat ataqqivaat kalaallit namminersorlutik oqartussaasut aamma Danmarkip akornanni ingerlanneqartut. Tassunga ilaavoq namminersorlutik oqartussat namminneq pisinnaatitaaffimmik iluanni aalajangiussat ataqqivaat.
- Kalaallit suliniutinut angisuunut inatsisaat eqqarsaatigalugu aamma ILO'p tunngaviusumik isumaqatigiissutaannut tunngasuni naalakkersuisut isumaqarput, kalaallit namminersorlutik oqartussaanermik ingerlatsisut namminneq akisussaaffigigaat inatsisiliamik nunat tamalaat akornanni aalajangiussanik isumaqatigiissutinillu eqquutitsinissaat
- Kalaallit Nunaata akisussaaffigisariaqarpaa peqatigiiffiliornissanut aamma sulisitsisut pisinnaatitaaffiinik tunngaviusunik ataqqinninnissaq.
Allaaserisaq atuaruk ”LO: Qallunaat misilittagaat tusarnaalaariarsigit.” sapaatip akunnerani uani Sermitsiaq saqqummersumiittoq. Aviisi uani pisiarisinnaavat: