nuna tamakkerlugu pilersaarut
Illoqarfiit pingaarnersaat sumut piva?
Nunami unammilligassat 2017-imut nuna tamakkerlugu pilersaarummi Aningaasaqarnermut Akileraartarnermullu Naalakkersuisoqarfimmit saqqummiunneqarsimasut, eqqaaneqarsimanngitsut, kommuneqarfiit pingaarnersaanni Sanarfinermut Avatangiisinullu Ingerlatsivik isumaqarpoq. Assersuutitut taaneqarsinnaavoq, illoqarfiit pingaarnersaanni suliniuterujussuaq anguniagartooq pilersaarummi eqqaaneqarsimanngitsoq
Nuna tamakkerlugu pilersaarut 2017 ”Suleqatigiinneq pisariaqartinneqartoq” oktobarip qaammataani tusarniaassutigineqalerpoq kommuneqarfiillu pingaarnersaanni Sanarfinermut Avatangiisinullu Ingerlatsiviup nalunaajaammi immikkut qulequttatut taaneqarsimasut isornartorsiorpai.
Sanaartornermut aningaasaliissutit
- Sanarfinermut Avatangiisinullu Ingerlatsiviup Nuna tamakkerlugu pilersaarusiornermut nassuiaammik pingaarnertut naliliinera tassaavoq, amigartoq, nunattalu unammilligassaanut tunngassuteqarluinnartunik sammisaqarnani, Sanarfinermut Avatangiisinullu Ataatsimitamut innersuussut allassimavoq, ataatsimiititaq 30 november ataatsimiissaaq.
- Suliffiit noorarneri ilutigalugit, ingerlatsiviup eqqumiiginartippaa, nassuiaammi Kommuneqarfiup Illoqarfiit pingaarnersaat pillugu periusissiaa eqqaaneqanngimmat, nunalu nukittuumik illoqarfiit pingaarnersaqartariaqartoq pingaartinnerarlugu, suliassamik saqqummiinermi allassimavoq, ataatsimiitamilu ilaasortat eqqartussavaat.
Ujartuineq
Sanarfinermut Avatangiisinullu Ingerlatsivimmi pisortaangallartoq, Hans Henrik Winther Johannsen, sammisat ukua paasissutissanik ujartuiffigingai: takornariaqarneq, containereqarfik nutaaq, mittarfiit, Kangerlussuup Sisimiullu akornanni ATV-nut aqqusineq, imermik nukissiorfinnik alliliinerit, imaatigut kabeli, Siorarsiorfimmut suliniut, aalisarneq aatsitassallu.
Ingerlatsivik isumaqarpoq, Nuna tamakkerlugu pilersaarusiorneqarneranut nassuiaat nunap siunissamut ineriartortinneqarnissaanut sakkussatut pingaaruteqartutut isigaa, aamma Namminersorlutik Oqartussat nassuiaanermut sammisani suliami ilaatinneqarnissaat.