Inatsisartut
Illuatungiliuttut suleqatigiilersut
Demokraatit aamma Atassut Inatsisartuni teknikkikkut suleqatigiilerput
Partiit talerperliit illuatungiliuttut Atassut aamma Demokratit Inatsisartuni teknikkikkut suleqatigiinniarlutik aalajangerput.
Suleqatigiilernerup kinguneraa, Inatsisartuni ataatsimiititaliat tamarmik partiinit taakkunannga marlunnit ilaasortaatitaqalernerat.
Atuaruk: Siumut IA aamma Partii Naleraq naalakkersuisoqatigiilerput
Sunniuteqarfiginnissinnaaneq
- Taamaasilluta periarfissaqarpugut politikkikkut anguniakkat liberaliusumik sunniuteqarfigisinnaassallugit, partiit siulittaasui, Randi Vestergaard Evaldsen, Demokraatit, aamma Knud Kristiansen, Atassut, taama naqissusiipput.
Atuaruk: Naalakkersuisooqatigiilersut namminersulernissaq naligiinnerulernissarlu pingaartippaat
Illuatungiliuttut naalakkersuisooqatigiilersut Siumut, Inuit Ataqatigiit aamma Partii Naleraq 'naalakkersuisooqatigiit socialistiinnaasut, namminiilivinnissamillu anguniagaqapallattussanik eqqarsaateqartutut' oqaatigaat.
Assit takukkit: Kim Kielsenip ikinngutitaavi
'Equsinneqassasoq'
- Nunatta aningaasaqarnera ernummatigingaarparput. Aningaasaqarneq pitsaasumut piseqqipparput, kisiannili suliaq tamanna equsinneqaratassaaq aningaasanik atuipilunnermiit, soorlu 300 millionit koruunit nalinganut ataqqinassusermik aallaavilimmit Inatsisartut illorsualiornissamut siullertut atorneqarniartut. Naalakkersuisooqatigiit taamaasillutik inuiaat siunissami atugarissaarnissaat nalorninartorsiortilerpaat, partiit siulittaasui marluk taama oqarput.
Assit takukkit: Naalakkersuisut ivertinneqarneri