filmi nutaaq
Ilulissat kangerluat pillugu nutaamik filmiliorput
Inuusuttut arfinillit Ilulissaneersut pingaarnertut inuttaapput Ilulissat kangerluat pillugu filmiliami nutaami
Ilulissat kangerluat pillugu filmi nutaaq sisamanngornermi unnukkut Ilulissani kulturip illorsuani takuteqqaarneqassaaq. Inususuttut arfinillit Ilulissat kangerluata nunarsuarmi kingornussassat pillugit Unescop allattugaataaniinnera pillugut apeqqutinik akissutissarsiorput.
Ilulissani illoqarfiup tv-qarfia Arctic TV Ilulissat kangerluata allaffeqarfia sullillugu filmimik suliarinnittuuvoq. Issittoq pillugu Danmarkip tapiissuteqartarfia Dancea Ilulissat kangerluata nittarsaannissaa pillugu suliniummut Grønlandsbanken peqatigalugu 700.000 koruuninik aningaasaliissuteqarpoq. Taamaasilluni periarfissaqalersimavoq Ilulissat kangerluata allaffeqarfiata nittartagartaarnissaa www.kangia.gl atulermat.
- Filmimi inuusuttuaqqat apeqqutinut namminneq suliarisimasaminnut akissutissanik ujarlerput Kangerlummut aammalu UNESCOp silarsuarmioqatigiinnut kingornutasiussamut. Ilaatigut ”Sooq-una Ilulissat Kangerluat silarsuarmiunut kingornutassanngortinneqartoq?” aamma ”Ilulissanut Nunatsinnulu qanoq isumaqarpa UNESCO-p silarsuarmiunut kingornutassaasumik peqartinneqarnera?”, Ilulissat kangerluata allaffeqarfia nalunaarpoq.
Filmi sisamanngornermi unnukkut Sermermiuni nalunaaqutaq 19.30 takutinneqassaq. Kingusinnerusukkut aamma KNR-TV-mi takutinneqarumaarpoq.