Ilungersuussilluartut Nuummi iliveqarfitoqaq allanngutsaaliorniaraat
Nuummi innuttaasut ataasinngornermi unnukkut naasut lupinitsiaruaakkaluttuinnartut illoqarfimmi iliveqarfiit ilaannit piiarpaat. Maannailiveqarfimmi sanningasut kusassarneqassapput.
Eqqagassat naasullu lupinit poorsuit 60-it missaat Nuummi Noorlerni iliveqarfimmi innuttaasunit nammineq kajumissutsiminnik suliniuteqartunit ataasinngornermi juulip 12-ani unnukkut katersorneqarsimapput.
Suliniuteqartoq, Inge Marie Jensen Rosing, takkuttunik naammagisimaarinnippoq.
- Innuttaasut 30-t missaanniittut takkupput Noorlernilu iliveqarfimmi lupininik eqqakkanillu piiaanermi ikiuullutik. Iliveqarfiup paarilluarneqarnissaanut soqutiginninneq annertooq piumassuseqarluarnerlu nuannaarutigaakka, taanna Sermitsiaq.AG-mut oqarpoq.
Lupininik piiaanissaq sioqqullugu Nuummi illerfissarsiutileqatigiit suleqatigiinnut
akuersissuteqarsimapput.
Inge Marie Jensen Rosingip lupinit siaruaakkiartupiloortut naasunillu allanik ipititsisut – pingaartumik Noorlerni iliveqarfimmi - pillugit innuttaasut naammagittaalliortalersimanerat maluginiarsimavaa.
Taamaattumik soqutiginnittut tamaasa ataasinngornermi unnukkut aggersarniarlugit aalajangersimavoq, naasut lupinit akiorniarlugit sorlaat ilanngullugit piiarneqarniassammata, naasunullu allanut inissaaruteqqunagu.
Allanngutsaaliuinissaq pilersaarutaasoq
Kisianni suliniut tamaani lupinit akiorniarneqarnerannut killeqanngilaq, Inge Marie Jensen Rosing oqaluttuarpoq.
Tassami nammineq kajumissutsiminnik suliniaqatigiit iliveqarfik allanngutsaaliorniarlugu
sanningasunik qalipaanissamut ullormik nassaarniarnissaminnik isumaliutiginnipput.
Noorlerni iliveqarfimmi sanningasut qaqugu qalipanneqarnissaannut sanningasullu aseqqukut taarsersornissaannut suli ulluliisoqanngilaq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...