Nuussineq
Imarsiornermut oqartussaaffiup nuunneqarsinnaanera Namminersornerullutik Oqartussanit misissorneqarpoq
Imarsiornermut oqartussaaffiup Nunatsinnut nuunneqarnissaanut periarfissat arlaqartut nalunaarusiarineqarsimapput
Imarsiornermut oqartussaaffik Nunatsinnut nuunneqartussani tullinnguussinnaavoq.
Namminersornerullutik Oqartussat imarsiornermik oqartussaaffiup Nunatsinnut nuunneqarsinnaanerata nalunaarusiortitsissimagaat, danskit aviisiat Jyllands-Posten ullumi aviisimi saqqummertumi alllaaserinnippoq. Nalunaarusiamilu qulequttat pingaarnersiorlugit aqagu sisamanngornermi Namminersornerullutik Oqartussanit oqaluuserineqassapput.
Imarsionermi aqutsisoqarfik
Suliffeqarfiup siunnersuisarfiusoq Blue Consultingip, nalunaarusiaq suliarisimasaa, ShippingWatch-ip nalunaarusiaq tatiginartunit paasisimavaa.
- Nalunaarusiami nunatta imarsiornermik aqutsisoqarfik tigussaneraa, oqartussaaffiillu 'imaani isumannaallisaaneq' 'umiarsuit nalunaarsorneqartarnerannut aamma inatsisinut tunngasunut' tigussangaluarpagit suut malitsigissanerai nalunaarsorneqarsimallutik.