Imeq manngertornisoq uffaatigaat
Paamiuni illoqarfiup immikkoortuani Bella Vistami imeq manngertornisoq qatsutivippaat.
Ukiorpassuarni najugaqartut imeq kajortoq atorfimavaat. Takujuminaaginnarani aamma tipeqarpoq. .
- Ullut tamaasa dunkinik imeratrtarpugut, imermi taama maajunnartigisoq imersinnaanngilarput, Bella Vistami najugaqartoq Titken Terkilsen oqaluttuarpoq.
Tassani najugaqartut ataasiakkaarlutik arlaleriarlutillu inissiaatileqatigiiffimmut INI-mut ajornartorsiut tamanna Nukissiorfimmullu apuuttarsimavaat. Kinali akisussaanersoq nalornissutaavoq.
- Nukissiorfiit oqarput INI akisussaasoq INI-lu oqarluni Nukissiorfiit. Taamaalilluni suliaq ukiorpassuarni kinguarsarneqarpoq, Titken Terkilsen oqaluttuarpoq.
- Uagut akisussaaffigaarput erngup aqqutaasa annerit taarsernissaat, INI-llu illup iluani enrgup aqqutaasa taarsernissaat akisussaaffigalugu, suliarli pineqartoq ilisimasaqarfiginngilara, Nukissiorfiit pisortaa Svend Hardenberg oqarpoq. Tunisassiornermut pilersuinermullu pisortap Peter Birkip nalunngilaa. Oqaluttuarpoq.
- Erngup aqqutaani pingaarnermi imeq misilissimavarput, ajungnilarlu. Taamaattumik ajornartorsiut INI-p taarsigassaaniissimassaaq, Peter Birk oqarpoq.
Nuummi inissiaatileqatigiiffiup INI-p naalakkiutigaa, Paamiuni immikkoortortap ajornartosiut misissussagaa. Paamiuniilli oqartoqarpoq, ruujorilerisoq inissiaatileqatigiiffimmillu ilisimasalik oqartut ajornartorsiutip suna peqqutigineraa nassaarisinnaanagu.
- Maannakkut ernummatigaarput suliap kinguarsaqqinneqarnissaa, Titken Terkilsen oqarpoq.