Inissianik misileraataasunik innuttaasunut angerlarsimaffeqanngitsunut kommuni ammaassaaq
Inissianik suliniut nutaaq Naalakkersuisut Angerlarsimaffeqanngitsunut Periusissiaanniit angerlarsimaffeqanngitsut nutaanik najugaqarfittaartinnissaannut piareerpoq. Nuummi angerlarsimaffeqanngitsut 15-it maanna angerlarsimaffeqalerrput aallartilluarnissamullu siunnersorneqarlutik.
Angerlarsimaffeqanngitsut 15-it Nuummi initaarsinnaalerput, ineqarnermilu nalaanni tapersersorneqarlutik siunnersorneqarsinnaalerlutik. Kommuneqarfik Sermersooq nittartakkamini taama allappoq.
Kommuneqarfik Sermersuup inissiat misileraatit, Naalakkersuisut angerlarsimaffeqanngitsut pillugit periusissiaannut attuumassuteqartut, ullumi ammarpaat. Suliniut Housing-first-imik taaguuteqarpoq, innuttaasullu angerlarsimaffeqanngitsut, siunnersortinneq qitiutillugu angerlarsimaffeqalersinnissaannut siunertaqarluni.
- Innuttaasut angerlarsimaffeqanngitsut ikiorniarlugit aalaakkaasumik angerlarsimaffik aallaaviusariaqarpoq. Suliniummik matumannga angerlarsimaffik aallaaviuvoq, ataavartumik angerlarsimaffimmut nuunneq attassisinnaanerlu qulakkeerniarlugu pisariaqartoq angerlarsimaffeqanngitsut inuttut sammisatigullu tapersersorneqarsinaanissaannut. Angerlarsimaffeqannginneq pillugu akiuiniarnermut tamanna ataqatigiissitsineq suliniutaavoq pingaaruteqartoq.” taama Isumaginninnermut Naalakkersuisoq, Jess Svane, inissiat ammarneqarnerinut atatillugu oqaaseqarpoq.
Tapersersuineq tulluarsagaq
Housing first ataatsimut isiginnittaaseqarluni angerlarsimaffeqanngitsunut ikiuutitut atuuppoq. Angerlarsimaffeqanngitsoq inissiaqartinneqassaaq, piffissamilu inissiaqartinneqarnermini ulluinnarni inuuneranut iluaqutaasussamik siunnersorneqarnermik aamma neqeroorutitaqarluni.
Housing First tassaavoq angerlarsimaffeqannginneq pillugu tamakkiisumik isiginninnermik aallaaveqarneq, innuttaasoq nalinginnaasumik inissiaqarfimmi inissiamik nammineq najugassaanik neqeroorfigineqarluni peqatigalugu immikkut aaqqissuunneqartumik najugaqarnermini tapersersorneqassalluni, kommuni nassuiaavoq.
- Kommunimi suliniuterpassuarnut pitsaasunut inissiat nutaat tapertaalluarput pitsaasut, nuannaarutigaaralu innuttaasut ikiortariallit amerlanerusut toqqissimaffiusumik kialaartumillu “angerlarsimaffittut” taasinnaasaminnik najugaqalissammata, borgmester Avaaraq Olsen oqaaseqarpoq.
Misileraataasumik suliniut Kalaallit Nunaanni Housing First (Angerlarsimaffik Salliutillugu) aallaavigalugu misileraataavoq siullerpaaq, kommuninilu allani suliniutinut assingusunut ilisimasanik misilittakkanillu naleqarluartunik katersuiffiussalluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...