Innuttaasut pingajorarterutaat ullumikkut Nuummi najugaqartut

2021-mi januaarip aallaqqaataani Kalaallit Nunaanni najugaqartut 56.421-usimapput, tassa ukiup siuliani piffissamut tassunga sanilliullugu 340-nik amerlanerulersimallutik. Nuuk suli innuttusiartorpoq, innuttaalu 474-inik amerlisimallutik - nunami innuttaasut amerliartornerat agguaqatigiissikkaanni 134-nik amerlanerullutik.

Naatsorsueqqissaartarfimmit ilanngullugu ilisimatitsissutigineqarpoq:

-Nappaassuaq pisuusimasinnaagaluartoq taamaattoq innuttaasut 60-it sinnerlugit ukiullit 383-inik, tassa ukiup ataatsip ingerlanerani 8.314-iniit 8.697-inut (+4.6 pct.) amerlatsissimapput.

Najugaqarfiit innuttusiartortut

Naatsorsueqqissaartarfiuttaaq nunami najugaqarfiit misissorsimavai angissusaallu malillugit immikkoortitersimallugit. Inerniliussimavaalu illoqarfiit pingaarnersaat najugaqarfiillu pingaarnerit kisimik ukiuni kingullerni innuttusiartorsimasut.

2021-mi suli atuuttuni najugaqarfinni mikinerusuni aamma najugaqarfinni mikinersani takussutissiami siuliani takutinneqartumit innuttaasut ikileriarnerat annikinneruvoq, Naatsorsueqqissaartarfimmit erseqqissaassutigineqarpoq.

- Najugaqarfiit mikinerusut/mikinersat inuerussimasut tassunga ilanngunneqarsimanerat pissutaavoq, ass. 2017-imi aasakkut Illorsuarni aamma Nuugaatsiami pinngortitamit ajunaarnersuaqarnerata kinguneranik inuerunneri kisitsisinut sunniuteqaqataasorujussuupput, Naatsorsueqqissaartarfik allappoq.