Ilageeqarneq
Internettimi tarnikkut isumaginninneq
Nunatsinni palasit nittartagaq nutaaq aqqutigalugu kinaassutsimik oqaatiginninngikkaluarluni tarnikkut isumaginninnermik neqerooruteqalerput
- Kalaallit Nunaat nunarujussuuvoq sumiiffinnilu tamani palaseqanngilaq. Immaqa tunuarsimaartoqarsinnaavoq najugaq mikisunnguummat kikkullu tamarmik imminnut ilisarisimammata, ilaatigullu eqqartugassaqartoqarsinnaalluni najukkami ajoqip atorumaneqarfiginngisaanik, pineqartoq ilaqutaasinnaammat. Taamaattumik eqqarsarpunga inuit ilaqarsinnaasut kinaassutsiminnik oqaatiginninngikkaluarlutik saqqummiussinissamut pisariaqartitsisunik.
Suliniut nutaaq
Taama Biskoppip Allaffiani immikkut ittumik siunnersorti palasilu soraarneq, Minna Winsløw, ilagiit suliniutaat nutaaq, artorsarneq.gl, pillugu oqarpoq. AG aviisi taama allappoq.
Siullermik qilaat akuerineqarpoq, taava arnaqatigiit anguteqatigiillu katissinnaanngorput maannalu ilagiit aamma internettimiilerput kinaassutsimik oqaatiginneqqaarani aliasuutinik ajornartorsiutinillu palasimut, kinaassutsiminik aamma oqaatiginninngitsumut, oqaluttuarinniffiusinnaasumik. Palasip sullitallu kinaassutsiminnik oqaatiginnikkusunnerlutik namminneerlutik aalajangigassarissavaat.
Minna Winsløvwip onlinemik oqaloqatigiittarfeqalernissaq 2013-imili isumassarsiaraa.
Unioqqutitsinikkut iserfigineqarsinnaassanngitsoq
- Piffissaq sivisooq ingerlasimavoq ilaatigut teknikkimut tunngasut nalornissutigisimagatsigik. Kisianni taava Danmarkimi suliniummik assingusumik ingerlatsisoqalerpoq, tassuunalu ikiorneqarpugut, periaatsip unioqqutitsisumik iserfigineqarsinnaannginnissaa qulakkeersinnaalerniassagatsigu. Isertuussisinnaanerup attannissaa uatsinnut pingaarutilerujussuusimavoq, Minna Winsløw oqaluttuarpoq.
Suliniut pissaganartoq AG aviisimi tamakkerlugu atuaruk. Aviisi uani pisiassaavoq: