pilluaritsi
Inuusuttut piumassutsiminnik sulisartussat ilinniartinneqartut
Kalaallit Røde Korsiat Aasianni inuusuttunik piumassutsiminnik ikiuuttartussanik siullerpaamik ilinniartitsivoq. Ilinniartinneqartut inuusuttoqatiminnut illoqarfimminni allanngueqataasinnaalerput
Annonse
Inuusuttut Kalaallit Røde Korsiannit nammineq piumassutsimik sulisartussatut Aasianni sapaatip akunnerata naanerani ilinniartinneqareerlutik imminnut ambassadøritut taasinnaanngorput.
Inuusuttut sapaatip akunnerata naanerani ilinniartinneqarnerminni ilaatigut suleqatigiinneq, sammisassaqartitsinermut pilersaarusiorneq aamma tarnikkut ikiueqqaarneq sammisimagaat, Kalaallit Røde Korsiat allappoq.
Atuaruk: Inuusuttut inuusuttoqatitik ikiorpaat
Kalaallit Røde Korsiat inuusuttunut nammineq piumassutsimik ikiuuttartussanut, suliniut Inua, atorlugu ilinniartitsisarpoq.
Kalaallit Røde Korsiata suliniut Inua aqqutigalugu inuusuttut Nuummi, Qeqertarsuatsiaani, Ilulissani maannalu Aasianni ilinniartissimalerpai.