piginnaanillit
’Ísland Got Talent'-imi Thelma ajugaaniunnissamut ingerlaqqippoq
Piginnaaneqarluartoq Qaqortumeersoq Thelma Kajsdóttir Lyberth islandermiut piginnaanillit unammisinneqarneranni ingerlaqqippoq
19-nik ukiulik Qaqortumeersoq Thelma Kajsdóttir Lyberth ’Ísland Got Talent'-imi ajugaaniunnissamut anngutsinneqarpoq.
Thelma Kajsdóttir Lyberth erinarsuutigaluni guitarerluni tusarnaartitsilluni unammeqataavoq. Unammeqataaniarluni Reykjavikimut aallarpoq maannakkut.
’Ísland Got Talent'-imi erinarsoqqaarami nammineq taalliani atorpaa. Sermitsiaq.AG-mit apersorneqarami erinarsukkani ima nassuiaatigaa:
- Nipilersorneq nuannarisorujussuuara, siunissamimi nipilersortartunngorusuppunga. ’Ísland Got Talent’-imi peqataaninni periarfissat amerlanerulernissaat kissaatigalugu peqataavunga.
Anaanaa, Edda Lyberth, islandermiuuvoq ataataalu Kaj Lyberth kalaaliuvoq nipilersortarnerminut ilisimaneqartoq.
29-nik ukiulik Qaqortormiu Hans-Peter Bay 'Island Got Talent'-imi ingerlaqqinniunnermi siullermi ingerlaqqippoq.