Island Nuummi konsuuleqarfimmik ammaavoq
Naalakkersuisut siulittaasuata Aleqa Hammondip, Siumut, islandillu præsidentiata Nunatta Islandillu suleqatigiinnerat annertusarneqassasoq
Annonse
Siunissami Island peqqissutsimik, assartuinermik, attaveqarnermik aatsitassatigullu qaninnerusumik suleqatigineqalissaaq.
Taamatut tallimanngormat ataatasimiinnerminni aalajangerput Naalakkersuisut siulittaasuat Aleqa Hammond islandillu præsidentia Ólafur Ragner Grimsson, tamatumani Aleqa Hammondip Grimsson Reykjavikip avataani najugaqarfiani naapimmagu.
Aleqa Hammondip piffissaq iluatsillugu islandip præsidentia statsministerialu ukiaru Nunatsinnut tikeraarsarpai, immaqagooq islandip Nuummi generalkonsuuleqarfiata ammarneqarsiorneqarneranut atatillugu. Islandip generalkonsuuleqarfia Sorsunnersuup kingulliup kingorna Islandip Nunatsinni aallartitaqarfiata siullersarissavaat.