Birna Brjánsdóttir
Islandimi politiit misissuineq naammassingajalissallugu neriuutigaat
Sapaatip-akunnerisa pingasut ingerlanerini misissuinerup naammassineqarnissaa neriuutigineqarpoq. Toqutsisutut pasineqartoq sisamanngorpat tulliani eqqartuussisumut sassartinneqaqqissaaq
Islandimi politiit Birna Brjánnsdottirip toqunneqarneranut misissuineq sapaatip-akunnerisa pingasut ingerlaneranni naammassiniarlugu suliaraat. Misissuinermi aqutsisoq Grímur Grímsson, mbl.is-mut taama oqarpoq.
Politiit nunani allani timimik misissuinerit inerneri tamaasa suli akissutissarsiffiginngilaat. Kisianni ulluni aggersuni tamanna pissasoq, Grímur Grímssonip naatsorsuutigaa.
Atuaruk: Toqutsisutut pasineqartup tigummigallarneqarnera sivitsoqqittoq
Islandimi eqqartuussiviit qullersaata toqutsisutut pasineqartoq suli tigummigallarneqaannassasoq ataasinngormat aalajangiivoq. Februaarip 16-anni paarnaarussaaqqanera sapaatip-akunnerinik marlunnik sivitsorneqaqqippoq.
Sapaatip-akunnerata tulliani sisamanngorpat eqqartuussisumut sassarteqqinneqassasoq tamanna isumaqarpoq.