Jens Napaattooq Finn Karlsenilu Partii Naleqqami qinigassanngortittut
Partii Naleqqap Inatsisartunut qinigassanngortitani 33-iungallartut tallimanngornermi saqqummiuppai. Partii sinnerlugu qinigassanngortitaangallartut takukkit.
Partiip siulittaasua Hans Enoksen siuttoralugu Partii Naleqqap Inatsisartunut qinersinissamut qineqqusaartitani 33-iungallartut tallimanngormat ualisoq saqqummiuppai.
Naalakkersuisunut ilaasortaasimasoq Jens Napaattooq, Partii Naleqqap Inatsisartunut qinigassanngortitaasa ilagaat.
Jens Napaattooq 2005-imi ineqarmut attaveqatigiinnermullu naalakkersuisutut soraarsitaasimanera pillugu eqqaamaneqarnerpaagunarpoq, taamani nutaarsiassaqartitsiviit allaaseraat, ilaatigut neriniartarfimmi Charoen Pornimi Wonderbarimilu Københavnimiittumi ilassinnissutinik atornerluisimasoq.
Taanna 2009-imi piginnaatitaanermik atornerluisimanini pissutigalugu qaammatini sisamani pinerluuteqarsimasut inissiisarfianiittussanngorlugu eqqartuunneqarpoq.
Atassutillu siulittaasorisimasaa Finn Karlsen Partii Naleqqap Inatsisartunut qinigassanngortitaringallagaasa akornanniippoq. Finn Karlsen 2010-imi Siumumut nuuppoq, 2014-imilu Inatsisartunut qinersinermi qinigaanngitsoorluni.
Aajuku Partii Naleqqap qinigassanngortitaringallagai:
Kullorsuaq:
- Elias Petersen
- Ole Danielsen
Upernavik:
- Jens Napaattooq
Uummannaq:
- Najak Jessen
- Ole Møller
Ilulissat:
- Anthon Frederiksen
- Juulunnguaq Jeremiassen
Sisimiut:
- Henrik Fleischer
- Hilda Kaaka Kaspersen
- Ruttsi Lynge Lennert
- Peter Møller
- Ulrik Maki Lybert
Kangaamiut:
- Jens Meeraq Lyberth
Nuuk:
- Arnaq Brønlund
- Finn Karlsen
- Hans Enoksen
- Inuk Berthelsen
- Karl Olsen
- Kristine Sigurdsen
- Lars P. Mathæussen
- Malene Broberg
- Ole Thorleifsen
- Paarnannguaq Tobiassen
- Pele Broberg
- Per Rosing Petersen
- Saxtorph Didriksen
- Steffen Silassen
- Narsaq:
- Kattie Nielsen
- Karnes Kuitse
- Kim Høegh-Dam
- Nikku Olsen
Tasiilaq:
- Emanuel Nuko
- Louis Jonathansen
Inatsisartunut qinersinissamut kommunimi qinersinermi siulersuisunut qinigassanngortittunik nalunaaruteqarnissaq kingusinnerpaamik marlunngorneq apriilip pingajuat nal. 12.00 pissaaq.