Julie Nuummi pissasserpoq
Socialdemokratit folketingimi ilaasortaatitaat Julie Rademacher tallimanngormat Nuummukarluni aallarpoq Nunatsinni poorskisioriartorluni
Folketingimut qinersinissaq qanilliartorpoq. Danskit naalakkersuisuisa 2020-p tungaanut allannguinissamut siunnersuutaat saqqummiutereerpaat partiillu akornanni isumaqatigiinngittoqarnerani Folketingimut 2011-mi qinersinissap nalunaarutigineqarnissaa aajunaralaarsuuvoq, taamatut Danmarkimi politikkikkut naliliisartut arlaqartut isumaqarput.
Socialdemokratit folketingimi ilaasortaatitaat Julie Rademacher qinigassanngorteqqinniarpoq. Qinigassanngortinnissaminulli Nuummi pissasseqqaarniarpoq.
- Nuummiippunga, tallimanngormat tikippunga poorskilu tamaat maaniissallunga. Aap, folketingimut qinersinissamut aggersumut piareersimavunga, taamaallaat statsministerip qinersinissamut nalunaarutissaa utaqqiinnarparput, Julie Rademacher, Nuummi ikinngutiminut ilisarisimasaminullu tikeraartoq, oqarpoq.
Folketingimi ilaasortaq kalaallimik ataatalik 2007-mi qinerneqarpoq, ilisarisimaneqaatigaalu qarmarsuit ussittut iluanni Christiansborgimi sulinermini Kalaallit Nunaannut soqutiginninnini. Ukiuni taakkunani sisamani ilaasortaanermini Kalaallit Nunaat pillugu Ataatsimiititaliami ilaasortaavoq.
Julie Rademacher 14. april 27-nik ukioqalerpoq. Koldingimi aalajangersimasumik najugaqartuuvoq, Københavnilli Jyllandillu akornanni angalajuartartuulluni.
Ekstra Bladet naapertorlugu Julie Rademacher iluatsitsisut ilagaat Tordenskjoldsgademi danskit akileraartartut akiligaannik initaartut ilagalugit.
Annertunerusumik atuaruk: http://ekstrabladet.dk/112/article1535582.ece