Kalaaleq arnaq toqutaasoq
Arnaq 40-ukkunni ukiulik tallimanngormat Korsørimi toqungasoq nassaarineqarpoq. Aapparisaa tigusarineqarpoq.
Annonse
Tallimanngormat ullaap tungaani kalaaleq arnaq 40-ukkunni ukiulik Korsørip kujasinnerusuani Skovparkenimi inissiami toqungasoq nassaarineqarpoq.
Arnap toqungasup nassaarineqarnerata kinguninngua politiit aapparisaa tigusaraat. Taanna toqutsisimasutut pasineqarpoq, taamatut allappoq ekstrabladet.dk.
Arnaq najugaqarfimmi rækkehusini matoqqasuni najugaqarsimavoq. Ilisimannittup Sermitsiamut oqaatigaa toqutaasoq ´arnaasoq qungujulajuartoq inussiarnersuullunilu´.
ALLAASERISAQ ATUARUK: Aappaa pinaasinngitsoq tigusarineqarpoq