Kalaaleq naleqartitanik sorsuutiginnittoq
Pele Broberg nunanut allanut tunngasunut politikki akisussaaffigilerpagu aporaattoqalissava – issittumullu periusissiaq atorunnaarsinneqassava? Imaluunniit Múte akuleruppat eqqissisimasumik oqaluttoqalissava?
Qineqqusaarnermi ullut marluinnaat ingerlareersut Pele Broberg Nuummi Ilisimatusarfimmi oqallinnermi nalunaaruteqarpoq taamani januaarimili – qularnanngitsumilli ullumikkut ingasannerusumik – qallunaat nunanut allanut ministereqarfianni sajutsitsilersimagunartumik. Aviisi AG allappoq.
- Kalaallit Nunaanni nunatsinnik piginnittuunerput tigoqqissavarapug. Taamaattumik isumaqarpunga qallunaat issittumut periusissiaat atorfissaqanngitsoq, Pelle Broberg taamani oqarpoq.
Corona pissutigalugu Naalagaaffeqatigiinni issittumut periusissiamik suliaq uninngasimavoq. Apeqqutaavoq suliaq tamanna qanoq pissanersoq, Pele Brobergip qineqqusaarnermi ilimasaarineratut Kalaallit Nunaat – kunngeqarfimmi nuna issittumiittutuaq – suliamut peqataajumajunnaassagaluarpat.
-Taava periusissiornissaq isumassaqarunnaassaaq, qularnanngitsumillu aamma nunanut allanut. Taava taarsiullugu arlaannilluunniit saqqummiussaqarniarluni pappialamik imaqarpianngitsumik pisussaaffiliinngitsumillu sananiartoqassaaq, Ilisimatusarfimmi inuiaqatigiilerinermik ilisimatooq Rasmus Leander Nielsen AG-mut oqarpoq.
- Tamanna kalaallit-qallunaat atassuteqarnerannut isumaqarpa?
- Issittumut periusissiaq suleqatigiinnissamut misileraanerussaaq, Nunanullu Allanut Tunngasunut Ministeqarfimmut ajorsarnerussaaq. Periusissiaq kunngeqarfiup ataatsimoortuuneranut nunanut allanut takussutissaavoq pingaarutilik. Nunarsuulli oqaluttuarisaanerani pappialatut takussutissat pingaarnersarinngilaat, Naleqqallu kisimi ingerlaffissaq aalajangigassarinngilaa. Matumani aamma Múte oqaasissaqarpoq.
Aviisimi AG-mi atuarnerusinnaavutit, aviisi uani pissarsiariuk: