Kalaaliaraq sisammik qalligaq
Nuummi 'Kalaaliaraq' januaarip 31-ani nutaanngorluni atoqqaartinneqassaaq, aqaguanilu pisiniat tuniniaavimmi nutaaliami pisiniarsinnaalissapput.
'Kalaaliaqqap' illutaa nutaaq Naapittarfimiittoq ulluni tulliuttuni atortorissaarutinik nutaanik ikkussuiffigineqassaaq soorlu nerriviit nillataartitsiviit, oqimaalutaatit digitalit allallu, taamaalilluni ataasinngornermi januaarip 31-ani atoqqaartinneqarnissaminut piareerluni.
Ulloq taanna inuttaasut ammaanersiornermut qaaqquneqarput, init nutaat takuniarsinnaallugit ammaanersiornermilu peqataasinnaallutik, oqalugiartoqarnerata saniatigut aliikkusersuisoqassalluni.
Aqaguani innuttaasut nutaaliaasumi pisiniarsinnaalissapput. Inimiissappummi nerriviit nillataartitsiviit qillarinnaat sisammik sanaajusut, neqi nutaaq aalisakkat allallu peqqissaartumik poortukkat oqimaalutarneqarsimasullu pisiarineqarsinnaassallutik.
Taama allappoq Sermersooq.