Kalaallit illuutaat ikinngutigileruk
Maanna aamma Danmarkimi Kalaallit Illuutaat Facebookimiilerput.
Ippassaq politiken.dk allaaserisaqarpoq maanna Facebook 1 millionit sinnerlugit atuisoqalersoq. Danmarkimi atuisut siorna 9.000-iupput, ullumikkulli Danmarkimi millionit affaat tikippaat.
Aamma Kalaallit Illuutaat Aalborgimi, Odensemi aamma Københavnimi atuisuminnik attaveqaqateqartarnissaminnut periarfissatsialak tamanna atulerpaat.
Københavnimi Kalaallit Illuutaat marlunnik profileqarpoq, aappaa ikinngutinut 115-inik ilaasortaqartoq aappaalu nuannarinnitsiminut 162-inik ilaasortaqartumut.
Aalborgimi gruppi 34-nik ilaasortaqarpoq, Odensemiittoq amerlanerpaanik ilaasortaqarluni, tassa 232-nik ikinnguteqarluni.
Gruppinik ujaasiniarluni "Grønland" allakkaanni Grønlandimik qulequtallit gruppit 500-upput. Fanemi "venner" ujaasiffigigaanni 383-it quppernerit ikinnguteqarfiit takkutissapput.
Facebook nutaarsiassaqarfittut atorneqarsinnaavoq soorlu aamma attaveqaqatigiiffinnut aamma ikinngutinut attaveqartarnermut atorneqarsinnaalluni.