Kalaallit Nunaanni silap allanngorarneri
Tallimanngormat Silasiornerup ulluani DMI-p qupperneq nutaaq dmi.dk-mi ilisaritippaa, tassani takuneqarsinnaalluni Kalaallit Nunaanni silap ineriartornera.
Nunarsuarmut tamarmut nunarsuullu ilaanut 2080-ip tungaanut silap pissusaanik takussutissat takutippata Kalaallit Nunaanni sila nalinginnaasumik 7-8 °C-mik kiatseriarsimassasoq.
7-8°C-mik kiatseriarneq nunarsuaq tamakkerlugu agguaqatigiissillugu kiatseriarnermit annertunerujussuuvoq.
Kalaallit Nunaata tunua 12 °C-nik kiatseriassaaq. Kiatsittarneq ukiukkut annertunerusassaaq, ullullu sualuttorujussuarmik issiffiitt ikinnerulissapput.
Takussutissiat aamma takutippaat silaannaap allanngorneri allat. Assersuutigalugu upernaakkut aputip aattarnera kujataani siusinnerusukkut pisassaaq.
Tamatuma saniatigut Kalaallit Nunaanni apisarneq/siallertarneq nalinginnaasumik 20-30%-imik annertuseriassaaq - Kalaallit Nunaata avannaanili sumiiffiit ilaanni ukiukkut apisarneq 250% angullugit annertuseriartassalluni.
Annertunerusumik atuarit uani www.dmi.dk