Katersuiniarneq: To million koruunit sinnerlugit Neriuffimmut katersuisoqarpoq
Kræfti akiorniarlugu suliniaqatigiiffiup Neriuffiup arfininngornermi unnukkut katersuiniarnera ingerlalluavippoq
Annonse
Neriuffiup katersuiniarnerani aningaasarpassuit isaapput, tassami aningaasat 2.133.283 koruunit katersorneqarsimapput. Katersuiniarneq tv-kkut toqqaannartumik KNR-TV-ikkut aallakaatinneqarpoq ippassaq arfininngormat.
Katersuiniarneq kulturikkut illorsuarmi Katuami ingerlanneqarpoq.
Suliffeqarfiit aamma innuttaasut katersuiniarnermut aningaasanik katersuiniarnermut tapersiillutik aningaasanik tunniussisarput, unnuullu ingerlanerani aliikkusersuisoqarpoq kiisalu eqquisunut agguaasoqarluni.
Ukioq kingullermit sanilliullugu aningaasanik amerlanerusunik ukioq manna katersuisoqarpoq. Tassami ukioq kingulleq 1,6 million koruunit missaanik katersuiniarnermi isertitaqartoqarpoq.