Ilulissat
Kattusseqatigiit Partiiat suli ataannarusuppoq
Kattusseqatigiit Partiiat Ilulissani ataatsimeersuarput
Ilulissani pisut aallaaviginerullugit Kattusseqatigiit Partiiat suleriaqqinniaråpoq. Ilulissani meeqqat atuarfiata Mathias Storch-iup suli isaterneqannginnera naammaginngisaasa ilagaat.
Kattusseqatigiit Partiiat Ilulissani tallimanngornermi ataatsimeersuarpoq. Partii qinersinerni kingullerni angusarissaanngilaq, tassami Inatsisartuni kommunalbestyrelsinilu isertitaqannginnami.
Atuarfik matoqqasoq
- Partiitta Ilulissani pisut soqutigisarivai. Tamannalu ingerlatiinnassavarput. Atuarfik Mathias Storch-uip suli isaterneqannginnera assersuutissaavoq, tassami atuarfik ukioq kingullerli matuneqarpoq. Atuarfiup isaterneqarnissaa suliassarujussuuvoq suliffissaqartitsiniarnermut atorneqarsinnaasoq, Kattusseqatigiit Partiiata siulittaasua Anthon Frederiksen Sermitsiaq.AG-mut oqarpoq.
Kattusseqatigiit Partiiata aalisarneq pingaartitarisaasa ilagaat.
- Aningaasarsiornitsinnut aalisarneq qitiulluinnarpoq. Sangujoraartumik ingerlasoqarnera iluarsineqartariaqarpoq, suliassarisariaqarparpullu aalisartut ukioq naallugu aalisarsinnaanissaat, Anthon Frederiksen oqarpoq.
Partiip piumasaqaatiginiarpaa Ilulissani ilinniarnertuunngorniarfeqalernissaa.
- Qineqqusaarnermi oqaatigineqartut oqaasiinnaassanngillat. Taamaattumik Ilulissani ilinniarnertuungorniarfeqalernissaa Inatsisartuni aalajangerneqareersoq aallartinneqartariaqarpoq, Anthon Frederiksen oqarpoq.