rekortit nutaat
Kiassutsimut rekorti ataaseq anguneqaqqippoq
Kangerlussuup akunnattumik kiassusaa maanna nalinginnaasumit kiannerulluni 9,5°-imiippoq
Nunarput upernaaq manna kiassutsimik rekortileeqqilerpoq, DMI.dk ilisimatitsivoq.
Rekorti nutaaq akunnattumik kiassusermik taaguutilik Kangerlussuarmi pineqarpoq.
Ukiut 16-it matuma siorna rekorti
Rekortiusimasoq +0,6°C apriilimi 2000-meertoq qaangerneqalerpoq.
Qaammat naanissaanut ullut sisamat sioqqullugu akunnattumik kiassuseq +1,7°C-miippoq, silalu aasarpalaartoq weekendip tungaanoormat rekorti ataaseq anguneqaqqilerpoq.
Apriilimi akunnattumik kiassuseq maanna nalinginnaasumit qaffasinnerulluni 9,5°C-iuvoq, DMI ilisimatitsivoq.
2011-imi apriili nillernerpaaq
Kangerlussuarmi apriilimi nillernerpaaq 2011-imi -15,9°C-iuvoq. Taamaammat Kalaallit Nunaanni apriilimi sila annertuumik nikerartorujussuuvoq - soorlu maanna Danmarkimi sila ukiuusoq, DMI erseqqissaavoq.
Kangerlussuarmi 2016-imi apriilimi maannamut ulloq kiannerpaaq tassaavoq, 11. april, tassani kiassiut 17,8 gradimiippoq. Kiassuserlu appasinnerpaaq -21,4 °C-imiippoq. Taanna apriilip aappaani uuttortarneqarpoq.
Atuaruk: Apriilimi aatsaat taama kiatsigisoq uuttorneqartoq