Kim Kielsen: Mittarfissuit sanaartorneqarnissaannik suliaq pissusissamisut ingerlavoq
Aningaasaqarnermut ataatsimiititaliami amerlanerussuteqartut sakkortuumik avoqqaarinnillutikpiumasaqaateqarput Kalaallit Airports aamma sanaartortussat Munck-Gruppenisumaqatigiissummik atsiugaqassanngitsut ataatsimiititaliap akissutisiaminik naammagiliinissaatatungaanut. Taamaakkaluartoq Naalakkersuisut siulittaasuat, Kim Kielsen (S) pilersaaruteqanngilaqsuliamik unikaallatsitsinissaminut. – Inatsisartut aalajangersagaat malillugit sulivugut, taannaoqarpoq.
Naalakkersuisut siulittaasuata, Kim Kielsen (S)-ip assut paasiuminaatsippaa pissaanerup pingasoqiusaanera naapertorlugu sulisoqarnissaa, tassa Inatsisartut inatsisiliortut inatsisiliornissaannik, Naalakkersuisut inatsisinik atuutsitsinissaannik aammalu
eqqartuussiveqarnerup inatsisit malinneqarnissaannik agguataarsimanera naapertornagu Aningaasaqarnermut Ataatsimiititaliaq sulinersoq.
Taamatut apeqqusiinermini Inatsisartut september 2015-mili mittarfissuit pillugit suliniutip aallartinneqarneraniit maannamut ingerlanneqarnera innersuussutigaa. Aalajaatsumik piumassuseqarluni aammalu nakimaalluni Kielsenip innersuussutigaa taamanili mittarfissuit marluk, Nuummi Ilulissanilu aammalu Qaqortup eqqaani mittarfissaq sanaartorneqassasut
aalajangiunneqarmat suliaq pissusissamisut ingerlanneqarsimasoq.
- Arlaannaatigulluunniit Naalakkersuisut aalajangiunneqarsimasut saneqqutaarlugit sulinikuunngillat! Mittarfissuit sanaartorneqarnissaannik aalajangiineq pimmalli ataavartumik
Aningaasaqarnermut Ataatsimiititaliaq Naalakkersuisunit sulianut akisussaasunit ilisimatinneqartarpoq. Taamaalilluni Aningaasaqarnermut Ataatsimiititaliap ilisimasariaqagai
piffissap ingerlanerani tunniussuunneqartarput, ilaatigut aamma paasissutissat tamanut saqqummiussassaanngitsut tunniunneqartarput, tamatigut naqissuserneqartarpoq Naalakkersuisut Inatsisartut aalajangiussaat tunngavigalugit sulisut, Kielsen Sermitsiaq.AG-mut oqarpoq nangillunilu:
- Taamaammat suliap ingerlanneqarnerata unikaallatsinneqarnissaa pissutissaqarsorinngilara, suliarmi kinguaattooqqareerpoq, qaavatigullu kinguaattoortoqaqqissappat aningaasanik
annaasaqarneq anneruliinnassanngilaq, aammali nunatta tutsuiginassusaa imaannaanngitsumik innarlerneqarsinnaavoq, tamannalu uanga siuttuutillunga pissanngilaq.
- Kalaallit Airports-ip Inatsisartut sinaakkusiussaat aammalu aalajangersagaat tunngavigalugit sulinera tamakkiisumik tatigaara. Mittarfissuit aningaasalersorneqarnissaannik Naalagaaffimmik
suleqateqarnitta minnerpaaffia tikillugu tatiginnippunga, tatiginnissimanngitsuuguma, qularutigineqassanngilaq Inatsisartunut saaffiginnissimassagaluartunga suliap unikaallatsinneqarnissaa, allaallu ajuvissortumik pisoqassagaluarpat unitsivinneqarnissaa
kissaatigisimassagaluarpara, mannali tikillugu pissutissaqalersinneqarnikuunngilanga eqqarsaatit
taamaattut aqqusaassallugit, Naalakkersuisut siulittaasuat, Kim Kielsen erseqqissaavoq.
Siunersiorneqarnissanut aggersaasoqaraangat peqataanngittarnini pillugit Kielsen innersuussivoq Naalakkersuisuni ilaasortat ataasiakkaat akisussaaffigisatik pillugit apeqqutigineqartunut
akisarnissaat nammineq toqqagaralugu.
- Imatut maanna isikkoqarpoq Aningaasaqarnermut Ataatsimiititaliami ilaasortat ilaasa akuersaarsinnaanngikkaat Naalakkersuisut Siulittaasuat tassaammat naalakkersuisoqarfinni
suliassaqarfiit qanoq agguataarneqarnissaannik aalajangiisussaq agguataarisussarlu, Naalakkersuisullu ataasiakkaat oqartussaaffeqarfimminni Inatsisartut aalajangersagaat
naapertorlugit sulinermik ingerlatsisussaasut akisussaasuusullu. Mittarfissuarnut tunngatillugu imaappoq aningaasaqarnermut tunngasortai Aningaasaqarnermut Nunanillu avannarlernik
suleqateqarnermut Naalakkersuisup akisussaaffigai, mittarfissuillu sanaartorneqarnissaat Ineqarnermut Attaveqaqatigiinnermullu Naalakkersuisup akisussaaffigai, taamaammat Aningaasaqarnermut Ataatsimiititaliap apeqquterpassui aningaasaqarnermut tunngassuteqartut naalakkersuisup akisussaasup akissuteqarfigissallugit akisussaaffeqarpoq, Kielsen Sermitsiaq.AG-
mut oqarpoq.
Tassunga atatillugu Naalakkersuisut siulittaasuata ilanngullugu innersuussutigaa Aningaasaqarnermut Ataatsimiititaliap Naalakkersuisut naalakkersinnaanngikkai kina Naalakkersuisoq siunersiorneqassanersoq, tamanna Inatsisartut Naalakkersuisullu pillugit Inatsisartut inatsisaanni nr. 26, 18. november 2010-meersumi § 23 immikkoortoq 1-mi naqissuserneqarsimavoq.
Hermann Berthelsen (S) kisimi Siumut sinnerlugu piumasaqarpoq
Allakkami Aningaasaqarnermut Ataatsimiititaliaq sinnerlugu siulittaasup Hermann Berthelsen (S)-ip tallimanngormat unnukkut nassiussaani takuneqarsinnaavoq Demokraatit partiini kisiartaallutik
suliap ingerlanneqarnera pillugu tamakkiisumik tatiginnillutik ikinnerussuteqarlutik nalunaaruteqarsimasut.
Malene Vahl (D), Randi Vestergaard Evaldsen politikkimik suliaqarnerminik tunuarnissaminik nalunaaruteqarmalli Aningaasaqarnermut Ataatsimiititaliami sulinissaminik aallartitereersoq, ikinnerussuteqarlutik oqaaseqaamminnut innersuussivoq, tassani Demokraatit naqissusiipput ilaatigut oqarlutik ”mittarfiit nutaat sanaartorneqarnissaannut suliap ingerlanera Demokraatinit naammagisimarparput”. Taamaattorli aamma taassuma maluginiarsimavaa Siumut sinnerlugu Ataatsimiititaliami Hermann Berthelsen kisimiilluni partii sinnerlugu pineqartoq pillugu
ingerlatsisoq, Henrik Fleischer (S) aammalu Karl Kristian Kruse (S) ataatsimiinnissamut peqataasinnaanatik nalunaarsimammata aammalu sinniisunik peqataasoqanngimmat.
Siumup siulittaasuata tullia siulleq aammalu Aningaasaqarnermut Ataatsimiititaliami ilaasortaatitaa allaaserisap matuma suliarineqarnerani Nunatarsuarmiit Nuummut ingerlaartup,
naatsorsuutigisimanerarpaa peqataasinnaannginnerminni sinniisussatik aggersarneqarumaartut peqataajumaartullu, tamannali pisimanngilaq, tassami Hermann Berthelsen kisimiilluni
illuatungiliuttut Demokraatit minillugit peqatigalugit piumasaqarpoq Kalaallit Airports piumaffigineqassasoq Munck-Gruppemik isumaqatigiissummik atsioqatigiginnissanngitsoq, aatsaallu tamanna pissasoq Aningaasaqarnermut Ataatsimiititaliami ilaasortat
naammaginninngitsut kissutisiat naammaginartut pigisimalereerpatigit.
Hermann Berthelsen (S) Sermitsiaq.AG-mut ilumoorneraavoq Siumup ataatsimiititaliami sinniisussai peqataasimanngitsut, taamatuttaaq naqissusiivoq ataatsimiititaliami amerlanerussuteqartut piumasaqaataat kinguarsaaniarnerunngitsoq.
- Aningaasaqarnermut tunngatillugu kingunissaasinnaasut pillugit ilisimasaqarnerunissarput piumasaraarput aammalu sanaartortoqalerneratigut aningaasanut inatsit qanoq
sunnerneqassanersoq paaserusutatta ilagaat, paasissutissallu maannamut pisimasagut naammaginanngillat, taamaammanuna isumaqatigiissummi atsioqatigiittoqarnissaa unitseqqugipput, aningaasaqarnermut ataatsimiititaliap siulittaasua Hermann Berthelsen (S) erseqqissaavoq.
Hermann Berthelsen-ip ilanngullugu naqissuserpaa Naalakkersuisut siulittaasuat Kim Kielsen siunersiuinissamut takkussimanngimmat, taassumami namminersorlutik oqartussat ingerlatseqatigiiffiutai akisussaaffigimmagit. Aperineqarami sooq aningaasaqarnermut
ataatsimiititaliap Vittus Qujaukitsoq (NQ) aggersarsimannginneraa, taassumami mittarfissuit aningaasalersorneqarneranut akisussaaffik tigummimmagu, akivoq naalagaanerpaatut inissisimalluni mittarfissuit sanaartorneqarnissaannut tunngatillugu apeqqutitik
aningaasaqarnermut tunngasut akisariaqarai.