Qaasuitsoq Kujalleq
Kisitseqqissaartoqareersoq: Aasianni Peter Olsen taaguunneqarluarnerpaasoq
Kisitseqqissaartoqareernerata kingorna paasinarsivoq Peter Olsen (IA) parteeqatiminit Ane Hansenimit taaguunneqarnerusimasoq. Taamaakkaluartoq Qaasuitsoq Kujalleq tamaat isigalugu Ane Hansen inuttut qaaguunneqarnerusimalluni, Qaanaamilu aamma taama pisoqarsimavoq.
Aasianni kommunimut qinersinermi Peter Olsen (IA) inuttut taaguunneqarnerpaavoq.
Tamanna kommunip qinersinermut ataatsimiitsitaliap tusagassiuutinut nalunaaruteqarnermini paasissutissiaraa.
Peter Olsen Aasianni 309-nik taaguunneqarsimavoq, Ane Hansenilu 289 taaguunneqarsimalluni, Qaasuitsup Kommunia paasissutissiivoq.
Qaasuitsoq Kujallermilu Ane Hanseni inuttut 350-nik taaguunneqarluni taaguunneqarluarnerpaasimalluni, Peter Olsenilu 320-nik taaguunneqarsimalluni.
Qaanaami assigusumik pisoqartoq
Qaanaami kisitseqqissaarnerup aamma takutippaa Jens Danielsen (S) taaguunneqarnersaanani, Masauna Holm Petersen (S) taaguunneqarnerpaasimasoq.
- Qinersinermi siulersuisut sisamanngornermi nalunaarutigivaat Jens Danielsen (S) Qaanaamit ikaarsaariaarnermut ataatsimiititaliami sumiiffimmi ilaasortassatut qinigaasoq. Tamanna eqqunngilaq. Taasisut tamarmiusut tigooqqarneqareersut siullermik taama inerniliisoqarpoq. Qaanaap Kommunerisimasaata qinersiviani taasisut misissoqqissaarnerisa kingorna paasinarsivoq Masauna Holm Petersen (S) taaguunneqarnerpaasimasoq taamaattumillu Qaanaamiit Qaasuitsoq Avannerlermi ikaarsaariarnermut ataatsimiititaliami sumiiffimmi ilaasortassangorpoq, Qinersinermut ataatsimiitsitaliaq allappoq.