Klassimi ataatsimi atuartut annerpaamik 18-inik amerlassuseqartarnissaannik siunnersuut itigartinneqartoq
Naalakkersuisut meeqqat atuarfianni klassimi ataatsimi annerpaamik 18-inik amerlassuseqartarnissaannik siunnersuut taperserusunngilaat. Ilinniartitsisunik amigaateqarneq annerulersiinnassavaa, ilaatigut taamatut oqartoqarpoq
Peter Olsenip IA-meersup kissaatigaa, meeqqat atuarfianni klassimi ataatsimi atuartut annerpaamik 18-inik amerlassuseqartassasut. Naalakkersuisut arlalinnik tunngavilersuuteqarlutik siunnersuut itigartippaat, ullormi aalajangiiffigisassatut siunnersuutip Inatsisartuni siullermeerlugu suliarineqarfissaani akissuteqaatigineqartoq taamatut nipeqarpoq.
Naalakkersuisut innersuussutigaat, nuna tamakkerlugu minnerpaamik atorfiit 62-it pisariaqartinneqalerumaarnerannik siusinnerusukkut missingiisoqarsimanera.
Atuartut atuartitsinermit annikinnerusumik pissarsisalissasut
- Tamatuma ajornerpaamik kingunerisinnaavaa nunap ilaani inukinnerusuni ilinniarsimasunik ilinniartitsisunik amigaateqalerneq, tamatumalu kinguneranik atuartitsisunik ilinniarsimanngitsunik suli amerlanernik atorfinitsitsisalerneq – immaqalu pingaartumik najugaqarfinni annertuumik ilinniartitsisussaaleqiffioreersuni tamanna pisinnaalluni, Ilinniartitaanermut Naalakkersuisoq Ane Lone Bagger akissuteqaammini taamatut allappoq.
Taassuma aamma innersuussutigaa, klassit annertussusaannik ilisimatusarnerup ”ersarissumik takutinngippagu atuartut amerlanerpaaffigisassaannik annikillisaaneq kinguneqarnerlussinnaasoq”.
Klassini arfinilinni atuartut amerlanerpaaffissartik nallersimagaat
Klassinit katillugit 604-sunit klassit 486-it 18-inik taakkunanngaluunniit ikinnernik atuartoqarput. Tassa nuna tamakkerlugu klassit 80%-iisa atuartorisaannik atuartoqartut. Klassini arfinilinni atuartut amerlanerpaaffissartik nallersimavaat: atuartut 26-t.
Ane Lone Baggerip ilisimatitsissutigaa, sukumiisumik misissuisoqarsimanngitsoq, atuarfinni taakkunani klassini atuartukitsuni atuartut, klassini atuartoqqortuuni atuartunut sanilliullugit misilitsinnerni misileraanernilu angusarissaarnerusarnerannik takutitsisumik. , angusalli misissuiffiginerisigut paasinarpoq pissutsit taama inissisimanngitsut oplyser, at der ikke er foretaget systematiske analyser af, hvorvidt elever fra skoler med lav klassekvotient klarer sig bedre til prøver eller test end elever fra store klasser i landet.
- Angusalli misissuiffiginerisigut paasinarpoq pissutsit taama inissisimanngitsut. Klassit 18-it sinnerlugit atuartullit amerlanerit Kommuneqarfik Sermersuumiipput – amerlanerpaat Nuummiillutik – klassinilu taakkunani atuartut atuarfimmi atuartitsissutini ataasiakkaani atuartitsissutinilu qanitariissuni misileraanerni misilitsinnernilu minnerpaamik pitsaasunik, imaluunniit pitsaanerusunik, angusaqartarput, Ane Lone Bagger ilisimatitsivoq.
Naalakkersuisut neriuutigaat, Peter Olsenip aalajangiiffigisassatut siunnersuutaa Inatsisartunit itigartinneqassasoq.