KNR-imi nutaarsiassaqartitsinermut pisortaagallartut
KNR-imi nutaarsiassani suliassanik aqutsineq Qanoruumi aaqqissuisumut Jokum Nielsenimit kiisalu Radioaviisimi aaqqissuisuugallartumit Mikkel Bjarnø Lundimit avinneqarput.
KNR-imi pisortaq Ivalo Egede nutaarsiassaqartitsinermut pisortaagallarunnaarpoq. KNR suli nutaarsiassaqartitsinermut pisortamik pissarsiorpoq, atorfinittussalli pissarsiarinissaata tungaanut maanna KNR-imi Nutaarsiassani suliassanik aqutsineq Qanoruumi aaqqissuisumut Jokum Nielsenimut kiisalu Radioaviisimi aaqqissuisuugallartumut Mikkel Bjarnø Lundimut avinneqarput.
- Jokum Nielsenip Mikkel Bjarnø Lundillu nutaarsiassaqartitsinermi pisortap piukkunnartup pissarsiarinissaata tungaanut suliassanik isumaginnissinnaanerannut assorsuaq tatigaakka. Tamatumunnga peqatigitillugu aamma uanga KNR-imut tamarmut pisortatut suliassama 100 procentimik eqqarsaatiginissaat pisariaqartippara, pisortaq Ivalo Egede oqarpoq.
- Nutaarsiassaqartitsinermut pisortap piukkunnartup atorfinitsinnissaa pingaartuuvoq. Atorfik taanna pingaaruteqarpoq, uatsinnuinnaanngitsoq, aammali Kalaallit Nunaannut tamarmut, taamaattumik nukinginngilagut. Taama pisoqalersinnagu qularutiginngilara tamanna pitsaanerpaamik aaqqiissutaasoq, Ivalo Egede oqarpoq.