TV-kkut aliikkutassiaq
KNR nutaamik aliikkutassiamik takutiteqqittalerpoq
Radiukkoortartoq Andreas Poulsen ilisarititsisoralugu KNR-TV aliikkutassiamik nutaamik takutitseqqittalilerpoq. Illarnartumik takutitassiisarneratigut ilisarisimalluagarput Piitannguaq Alaufesen aamma aallakaatitap ingerlanerani illartitsillattaasarumaarpoq
Tallimanngorneq aallarnerfigalugu, ilaqutariinnut aliikkutassiaq toqqaannartumik aallakaatinneqartalissaaq, tallimanngornerit tamaasa nal. 20.00-21.30.
Aallakaatitassiaq taaguuteqarpoq ”Unnugiaq”, tassanilu takutitassiisartussaq tassaavoq Andreas Poulsen, aamma raatiukkut aallakaatitsisarnermigut ilisimaneqartoq. Andreas aallakaatitassiap ingerlanerani inunnik saqqumilaartunik pulaartoqartassaaq eqquiniaasitsillunilu, KNR ilisimatitsivoq.
- Illarnartumik takutitassiisarneratigut ilisarisimalluagarput Piitannguaq Alaufesen aamma aallakaatitap ingerlanerani illartitsillattaasarumaarpoq, KNR allappoq.
Aallakaatitap ingerlanerani Hans-Jukku Noahsen nipilersoqatini peqatigalugit appisimaartassapput, sapaatillu akunneri tamaasa inummik ilisimaneqarluartumik appisimaaqataasartussamik pulaartoqartassapput.