qinersineq
Kommunimut qinigassanngortittut piareertut
Kommunimut qinersinissamut qinigassanngortilluni ippassaq nalunaarfissaq kingulliuvoq
Annonse
Apriilip sisamaanni kommunalbestyrelsimut ilaasortanik nutaanik qinersissaagut.
Kisianni ippassaq qinigassanngortittut allattorsimaffiat ippassaq kommuninut tunniunneqareertussaapput. Taamaammat qinigassanngortittut kikkut taaneqarsinnaanersut inissereerpoq.
Kommuneqarfik Sermersuup allattorsimaffik saqqummiutereerpaa, taanna uani takusinnaavat. Tassani partiit Inatsisartuni ilaasortaatitaqartut tallimat sassartitsipput.
Atassut Kommuneqarfik Sermersuumi qulinik qinigassanngortitaqarpoq, Demokraat aamma Partii Naleraq taamaatut. Inuit Ataqatigiinni 25-iupput Siumumilu 28-iullutik. Kommunalbestyrelsimi 19-inut inissaqarpoq.