Kommuninut immikkut aningaasaliisoqassanngilaq
Meeqqanik inuusuttuaqqanillu sumiginnaaasarneq annikillisarniarlugu namminersorlutik oqartussat annertuunik suliniuteqarput. Suliniutilli immikkut aningaasaliinernik malitseqassanngillat.
Meeqqanik inuusuttuaqqanilu sumiginnaasarnerup kommuneni annikillisarnissaa aningaasatigut killiliussat atuuteereersut iluanni naammassiniarneqassaaq. Immikkut tamanna aningaasaliiffigine- qassanngilaq.
Aviisi AG taama allaaserisaqarpoq.
Isumaginninnermut naalakkersuisup Martha Abelsenip sapaatip akunnera kingulleq saqqummiuppaa meeqqanut inuusuttuaqqanullu ikiuiniarnernerup nukittorsarnissaanut suliniut.
- Suliniutit assigiinngitsut ingerlanneqarnissaat sinaakkusiussaareersut iluanni naammassineqassapput. Uagulli soqutigisarilluinnarparput kommunenik suleqateqarnerup nukittorsarnissaa maannakkut sulisooreersunik pikkorissaasarnerit aqqutigalugit, Martha Abelsen (S) oqarpoq.
- Namminersorlutik oqartussat sutigut kommunenut ikiuussinnaappat assersuutigalugu Tasiilami aalajangersimasunik sulisussarsiornermut?
- Taamatut ittuni ikiuussinnaanngilagut.
Allaaserisaq aviisimi AG-mi atuarsinnaavat. Uani ataani aviisimik pisisinnaavutit: