assit takukkit:
Kommunip avinnissaanik Siumut avissaartuuteqqavoq
Qaasuitsup Kommuniani Siumut sinnerlugu ilaasortat kommunip siunissaa isumaqatigiissutigisinnaanngilaat
Borgmester Ole Dorph, Ilulissat: – Innuttaasut qulaatiinnarlugit aalajangiissanngilagut. Qaammatini tulliuttut pingasut ingerlaneranni periarfissat pillugit illoqarfigisatsinni innuttaasut oqaloqatigissavagut. Soorunami Siumumi tamatta assigiinngitsunik isumaqarpugut, isumaqanngilangali partiitsinni sanngiissutitut tamanna takussutissaasoq. Avitsinissamut periusissat assigiinngitsut kommunip kukkunersiuisuisa maanna nalilersorpaat, ukiarulu Naalakkersuisunut inassuteqaateqassaagut. Taavalu kommunip siunissaa Naalakkersuisut aalajangissavaat. – Maannangaarli oqaatigisinnaanngilara kommuni qanoq avinneqassanersoq, Ole Dorph oqarpoq, aalajangiusimajuarpaali kommunit aaqqissuuteqqinneqarnerat attatiinnartariaqartoq. Arne MølgaardJess Svane, Qasigiannguit: – Kommunalbestyrelsi aalajangivissimanngilaq kommuni avinneqassanersoq. Periarfissat innuttaasunit oqaluusereqqinneqassapput. Ataatsimiititaliaq inassuteqaateqarsimavoq, aammattaarli illoqarfiit assigiinngitsut akornanni qaninniartoqarsinnaavoq. Naggataatigulli Naalakkersuisut aalajangiisussaapput. Kangaatsiaq, Aasiaat Qasigiannguillu siusinnerusukkut suleqatigiissimapput, qanga Naternamut umimmannik inissiisoqarmat, maannalu aamma erngup nukinganik nukissiorfiliornissamik pilersaaruteqartoqarpoq illoqarfinnik taakkuninnga pilersuisussamik. Taamaattumik illoqarfinni taakkunani ataqatigiittoqarpoq. Nammineq isumaqarpunga Ilulissat Qasigiannguillu kommuneqatigiilissasut, pissutigalugu qanittunik attuumassuteqaramik aningaasarsiornikkullu assigiissunik soqutigisaqarlutik. Arne MølgaardJakob Ludvigsen, Kangaatsiaq: – Innuttaasut qanoq kissaateqarnerat pingaarnersaavoq. Namminerli isumaqarpunga Kangaatsiaq, Aasiaat Qasigiannguillu kommuneqatigiittariaqartut, imminnut qanittuugamik. Aamma piniarnermi aalisarnermilu assigiissunik soqutigisaqarput. Siumup gruppiani isumaqatigiissutigaarput tunuliaquttatta inassuteqaatissaa utaqqeqqaassallugu, aammattaarli kommunip avinneqarnissaa kommunalbestyrelsimi ilaasortanit ataasiakkaanit kissaatigineqarsinnaassaaq. Arne MølgaardKristian Broberg, Qeqertarsuaq: – Qeqertarsuup kisimiilluni kommuniunissaa aalajangiusimavara - tamanna periarfissaasinnaappat. Tamanna pillugu innuttaasunik oqaloqateqarsimavunga, amerlasuullu isumaqataapput. Illoqarfiit arlallit qaninnialereerpaatigut. Ilulissat Aasiaallu kattuffiginiarsimavaatigut. Namminerli aalajangersinnaavarput kikkut peqatigerusunnerlutigit. Qaninniarneqaqagaagut, pissutaagunarporlu nunatta nunataani pisuussuterpassuagut. Immikkut kommuniunermi iluaqutaassaaq illoqarfimmi amerlavallaannginnatta, taamaattumillu imminut pilersorsinnaalluta. Qeqertarsuaq imminut napatissinnaalluarpoq, tamannami oqaluttuarisaanerup takutereersimavaa. Soormi taava taamaasioqqikkutta. Nalunngilluarparali tamanna immaqa ullumikkut piviusorpalaanngitsoq. Arne MølgaardEnok Sandgreen, Aasiaat: – Innuttaasut amerlanerpaartaasa kissaatigaat Qaasuitsup Kommunia avinneqassasoq, kissaatigisarlu tamanna saneqqutaaginnarsinnaanngilarput. Inassutigisimavarput kommunini pingasuni tamani, pilersinneqarnissaanik inassutigisimasatsinni, innuttaatut 5.800-t missaanniissasut. Ilisimaneqartutut tassaapput Qaanaaq, Upernavik aamma Uummannaq, Ilulissat Qeqertarsuarlu. Kiisalu Aasiaat, Qasigiannguit Kangaatsiarlu. Aamma sulisut, taamanikkut aaqqissuusseqqinnermi illoqarfimmut allamut nuuttariaqarsimasut, uteqqissinnaassapput. Neriuppunga inassuteqaaterput Naalakkersuisut malissagaat. Erseqqissarusupparalu illoqarfiit tamarmik kommuninngarnissaannik sinnattut piviusuunngimmat. Arne MølgaardJens Danielsen, Qaanaaq: – Kommunerujussualiortoqarnissaa aallaqqaataaniilli akerlerisimavarput, illoqarfiit imminnut ungasinnerujussuat pissutigalugu. Uggornaqaaq illoqarfiit ataasiakkaat kommuniunerat atorunnaarsinneqarsimammat. Taamaattumik isumaqarpunga illoqarfinni tamani kommunitoqqat pilersinneqaqqissasut, soorunamili naleqqussaalluni, taamaasilluni illoqarfiit allat soqutigisaqaqatigiiffiusut suleqatigineqarsinnaallutik. Periarfissaqarpalli periarfissat amerlanerusut misissorneqassapput. Periarfissaasinnaasut ilagaat kommuninik marlunnik pilersitsieq: Ilulisast, Uummannaq, Upernagvik aamma Qaanaaq. Taavalu Qasigiannguit, Aasiaat, Qeqertarsuaq Kangaatsiarlu. Taamaasilluni kommunit taakkua marluk inuttoqatigiipajaassapput. Arne Mølgaard
Arne MølgaardArne MølgaardArne MølgaardArne MølgaardArne MølgaardArne Mølgaard
Qaasuitsup Kommuniata kommunalbestyrelsiani partiit annersaanni Siumumi ilaasortat ataasiinnaq isumaqatigiissutigaat - tassalu Qaasuitsup Kommuniata qanoq avinneqarnissaa isumaqatigiissutigisinnaannginnamikku.
Marsip 25-anni kommunip avinneqarnissaanik innuttaasunik taasisitsinerup kingorna Oqartussaaqatigiinnermut, Kommunimut, Attaveqaqatigiinnermut Attaaveqarnermullu Ataatsimiititaliap inassutigaa Qaasuitsup Kommunia pingasunngorlugu avinneqassasoq. Kommunalbestyrelsilli maajip 8-anni Qeqertarsuarmi ataatsimiinnerani paasinarsivoq kommunip avinneqarnissaa suli nalunartoqartoq. Taarsiullugu aalajangiunneqarpoq apeqqut tamanna pillugu innuttaasut nutaamik akulerutsinneqassasut, naatsorsuutigineqarporlu tamatuma kingorna ukiaru Naalakkersuisunut inassuteqaammik nassiussisoqassasoq.
Kommunalbestyrelsimi Siumup ilaasortaatitai, Qaasuitsup Kommuniani akaarineqarani uparuartorneqaqisumi, innuttaasut siunissaannut pitsaanerpaanut assigiinngitsorpassuarnik isumaqarput.
(Assit oqaasertai atuakkit)
