Lærlingit amerlipput
Suliffinni ilinniartut assassorlunilu ilinniartut 2006-imut sanilliullugu 60 %-imik amerlipput.
Kalaallit Nunaanni Sulisitsisut kattuffiat lærlingit ilinniartullu pillugit 2009-mi misissuinerat naaammassivoq. Misissuinerup inernerata takutippaa 2006-imut sanilliullugu 60 %-inik amerlanernik lærlingeqarlunilu assassorlunilu ilinniartoqartoq.
- Misissuinermi takuneqarsinnaavoq suliffeqarfiit ilaasortatta akornini amerlanerujartuinnartunik lærlingeqartoq, ineriartorneq tamanna nuannaarutigaarput. Niuernermi allaffissornermilu ilinniartut marloriaammik amerlisimapput, aammalu sanaartornerup iluani lærlinget malunnartumik amerlisimanerat qularutissaanngilaq, Kalaallit Nunaanni Sulisitsisut kattuffianit oqaaseqartoqarpoq.
Immersugassat suliffeqarfinnut 369-inut nassiussuunneqarput taakkunannga 46,3 % akipput. Maannamut lærlingit ilinniartullu 1.150 missaanniipput.
Skemaerne er udsendt til i alt 369 virksomheder og svarprocenten var på 46,3 procent. Der er p.t. cirka 1.150 lærlinge og elever.