Mailit uninngaannarput
Tele Greenlandimi datacenterip nutaap nutarterneqarneranut atatillugu sapaatip akunnerata naanerani inuussutissarsiortut namminersortut arlaallit eqqorpai. - Ualilluarnerani tamarmik aaqqissinnaanissaat neriuutigaarput, Tele ilisimatitsivoq.
Mail-ikkut allakkat imaluunniit allakkat kigaatsumik apuunniartartut Tele Greenlandip inuussutissarsiortut namminersortut sullitaasa ilaannut taaguumminut tulluaammeqqavoq. Tamatumunngalu datacenterimut nutaamut nuunnermi sapaatip akunnerata naanerani nutarterineq peqqutaavoq, tassani mail-imik atuisartut 11.000-it missaanniittut - taakkunannga 110-t namminersortutut inuussutissarsiuteqartut - data-platform-imiit allamut nuunneqarnerat.
- Amerlanerpaatigut ajornartorsiutinik nalaataqarsimanngilagut, kisianni namminersortutut inuussutissarsiortut 10-inik ikinnerusut suli soriarsinnaanngitsut, taakkua systemiat platformimmut nutaamut databasenut ilanngussuussimasatsinnut ikkutivissimanngimmata, Tele Greenland sermitsiaq.gl-imut oqarpoq.
Taamaakkaluartoq Tele Greenlandip neriorsuutigaa, mailit sapaatip akunnerata naanerani nassiunneqarsimasut annaaneqassanngitsut, kisiannili ajornartorsiut aaqqinneqariarpat takkuteqqikkumaartut.
- Suut tamarmik ualeru pissusissamissut ingerlaqqilersimanissaat neriuutigaarput, Tele Greenland ilisimatitsivoq.