Matoqqaneq ernumalersitsivoq

Tusagassiorfinnut matoqqaneq kisimi pinnani aammali aningaasarsiornikkut soqutigisat pillugit ammanerunissaq aningaasatigut peqquserluttoqartarnerani pitsaaliuinermi suliniaqatigiiffiup Transparency Greenlandip kaammattuutigaa.

Suliniaqatigiiffiup Naalakkersuisut matoqqarnerat Sermitsiami ullumi saqqummersumi isornartorsiorneqartoq ilalerpaa.

Tunissutisiat ilassinninnerillu

- Transparency Greenlandip ernumanartut nalilerpaa Naalakkersuisut ivertinneqarnermik kingorna matoqqasumik pissusilersorsimanerat, Transparency Greenlandip siulittaasua Anders Mejlvang oqarpoq.

Transparancy Greenlandip aningaasatigut peqquserlunneq ilaatigut tassaanerarpaa tatigisaalluni pissaanermut inissinneqarsimanermik atornerluinikkut imminut iluaqutissarsiniarneq. Taamaattumik taakku piumasaraat Inatsisartuni ilaasortat aningaasarsiornikkut inuussutissarsiornikkullu soqutigisat tamanit takuneqarsinnaanngorlugit saqqummiunneqarnissaat.

- Taamatut aaqqiiniarneq pingaartumik Siumup Inatsisartuni ilaasortaatitaasa peqataaffiginngilaat. Transparency Greenlandip Inatsisartut siulittaasuat kaammattorumavaa saqqummiussisussaatitaanermik atuuttussanngortitsequllugu tassanilu aappaasut soqutigisaat aamma ilaatinneqassapput, Anders Mejlvang oqarpoq.

Suliniaqatigiiffiup piumasaraa Naalakkersuisut aningaasartuutit pillugit ammasuunissaat, assersuutigalugu ilassinninnermi, angalanermi, tunissutisinermi, tamanut ammasumik aaqqissuussinermi aamma tamanut ammasumi aaqqissuussanut peqataaner