atualernissamut piareerpit?
Meeqqat misilitsinnerinut atuarfiit
Siunissami ilinniartitsisut atualertut nutaat oqaatsinut piginnaasaannut eqqaamallaqqissusaannullu paasissutissanut takunnissinnaatitaalissapput
Meeqqat tallimanik ukiullit atualernissamut piareersimanersut misissorneqartarput. Misissuinerup inernerinut maanna Kommuneqarfik Sermersooq atuarfinnut takutitsinissamut neqerooruteqalerniarpoq.
- Meeqqat meeqqanut paaqqinnittarfinneereerlutik atuartunngornissaat oqilisaanniarlugu misissuinerit ilinniartitsisunit atorneqartarnissaat pisariaqartoq uagut isumaqarpugut, meeqqap meeqqerivimmit atuarfimmut nuunnera oqinnerulerniassammat, Meeqqanut, Ilaqutariinnut aamma Atuarfinnut ingerlatsiviup pisortaa, Helene Broberg Berthelsen, kommunip nittartagaani oqarpoq.
Atuaruk: Meeqqat atuarfiannut ukioq pingaarutilik
Meeqqat kommunimiittut tamarmik - meeqqerivimmiikkaluarunilluunniit angerlarsimaffimmi paarineqartaraluarunilluunniit - oqaatsit pisinnaasaat, kisitsisinut paasinnittariaasaat, eqqaamasaataat aamma ilikkarsinnaanermut pisinnaasaat misissorneqartarput.
Atualerneq ataqatigiilluartoq
Misissuineq, Atualernissamut piukkunnassuseqarnermut misiliut, meeqqat ilinniartinneqarnissaminnut piukkunnarnersut aalajangiinermut atorneqartarpoq.
- Meeqqat ataasiakkaat meeqqerivinneereerlutik atualernissaannut qanoq piukkunnartigineri paasiniarlugit piareersimanermut misissuinerit manna taamaallaat atorneqartarput. Meeqqat atualernissamut piareersimanermut misissuinerit inerneri atorlugit, ilinniartitsisut meeqqat pisariaqartitaat aallaavigalugit ilinniartitsisalernissaat maanna aammaanneqarpoq, nittartakkami tamanna allaqqavoq.
Atuaruk: IMAK: Ilinniarfissuup pitsaassusaa qaffasinnerusariaqarpoq
Meeqqat atualernissamut piareersimanersut misissuiffigineqannginnerini angajoqqaat ilisimateqqaarneqartarput, kingornalu meeqqat atualissanersut kingusinnerusumulluunniit utaqqitinneqassanersut aalajangerneqarneranut peqataatinneqartarput.