Minik Rosing dronningimi
Ujarassiuup dronningi ridderkorsimik nersornaaserneqarnerminut qutsavigaa.
Dronning Margrethep 70-iliilluni inuuissiornerani nalliuttorsiornerit qaangiupput, dronningilu suleqqilerpoq.
Ippassaq angutit arnallu 73-it ddronningimik oqaloqatiginnipput, dronningilu marloriarluni Kalaallit Nunaat pillugu oqaloqatiginnippoq.
Kalaallit Nunaanni Eqqartuussivimmi retsasserssor Lars-Christian Sinkbækip, Nuuk, taamatut toqqarneqarnerminut dronningi qutsavigaa.
Ujarassiornermi ilisimatuup aammalu Københavnimi Geologisk Museumimi pisortap Minik Rosingip ridderkorsimik nersornaaserneqarnini qutsatigaa.
2004-mi Minik Rosingip Nuup Kangerluata qinnguani Isuani qaarsuni kulstofilinnik misissuinermini uppernarsarpaa nunarsuarmi fotosyntese ukiut 3,7 milliardit sinnerlugit matuma siornatigut aallartissimasoq, aammalu manna tikillugu ilisimaneqartumit siusinnerujussuakkut uumassuteqartoqarsimasoq.
Isua Minik Rosingip meeraaffianit Itinneranit ungasissorsuunngilaq, tassani angajoqqaavi Jens aamma Dagny Rosing 1950-ikkunni tuttuuteqarnermik ingerlatsisimallutik.
2009-mi juunimi dronningip uiatalu nersornaat qaqutigoortoq Amalienborgpris Minik Rosingimut tunniuppaat, maannalu Minik Rosingip aqqutissiuisumik ilisimatusarneranut nersornaatitut kunngikkormiut ridderkorsiat ilanngunneqarpoq.