siunnersuisarfik
MIO-p siunnersuisarfianut 9.000-eriarluni sms-ertoqartoq
Meeqqat katillugit 1.001-it MIO-p siunnersuisarfianut saaffiginnipput
Qinngasaarisarneq.
Angerlarsimaffimmi ajornartorsiorneq.
Atornerluineq.
Imminut toqunnissamik eqqarsaatit.
Kinguaassiuutitigut atornerluineq.
Meeqqat inuusuttuaqqallu sms-ikkut saaffiginnittarfiat 1899 MIO-mit pilersinneqartoq atorluarneqarpoq ukioq kingulleq.
Ukiumut nalunaarusiami tamanna atuarneqarsinnaavoq.
Periarfissiissut 2013-mi pilersinneqarpoq, aamma 2014-mi periarfissaritinneqarluni.
Sms-ikkut saaffiiginnittut katillugit 1.001-iupput, taakkunannga niviarsiaqqat 219-iupput, 124-llu nukappiaraallutik. Sinneri kikkuunersut ilisimaneqanngillat.
Siunnersuisarfik 18-it ataallugit ukiulinnut periarfissaritinneqarpoq, taannalu qulinit 17-nut ukiulinniillu ukioqartut saaffiginnittuunerusarsimasut paasineqarpoq.
MIO arlaleriarluni suliassanik ingerlatitseqqiisimasoq nalunaarummi aamma takuneqarsinnaavoq.
Periarfissap aningaasalerneqaqqinnissaa MIO-mit neriuutigineqarpoq.
- Inuussuttuararpassuit uagutsinnut saaffiginnittarput, allanik inersi- masoqartoq tatigisinnaallugillu saaffigisinnaasaminnik peqanngitsoq misigisaramik. Inuusuttuaqqat arlaleriarluik saaffiginnittarnerat ima paasivarput, saaffiginninnertik siulleq iluaqutigisimagaat kiisalu SMS-ikkut siunnersuisarfimmut saaffiginninnissartik toqqissisimaffigigaat, MIO-mit ilaatigut oqaasertalerneqarpoq.