vejle
Naalagaaffeqatigiinnermi juullip tungaanut nuannisaqatigiinnerit annersaat
Kalaallit Danmarkimi peqatigiiffiat, Inuit, DGI Husetimi Vejlemi arfininngorpat nuannisaqatigiittoqarnissaanut piareerpoq
Aaqqissuisut, Inuit, ataatsimoornissamut inunnit 1500-t 1600-t missaannit peqataaffigineqarnissaa naatsorsuutigaa. Inuit amerlanerusut peqataanissaat neriuutigineqarpoq. Juullimut inuulluaqqusinermi ilaqutariit ualinerani peqataariarlutik angerlaqqittartut peqatigiiffiup siulittaasuata tullia Niels Peter Nielsen oqarpoq.
Inuusuttut inersimasullu nuannisariat ualinerani unnukkullu takkunnerusartut oqaatigineqarpoq. Taamaattumik inuit 1600-t missaanniittut peqataanissaat naatsorsuutigineqarpoq. Nuannarineqarluartoq Peter Olsen nipilersussaaq unnukkuani.
Vejlemi Sct. Nikolaj Kirkemi nalunaaqutaq 11:30 naalagiaqatigiittoqassaaq ulloq aallartillugu. Vejlemi DGI Husetimi adressimi Vestre Engvej 57-mi unnussiuaartoqassaaq.
Inuulluaqqusinermi orpeqassaaq, nereqatigiittoqassalluni nalunaaquttap 23.30-ip tungaanut unnussiuaartoqassalluni.
Aggiinnartoqarsinnaavoq, nerriviit siumoorlugu inniminneerneqassanngillat.
Peqatigiiffik Inuit ukiuni 40-nngortorsiorluni sapaammi nalliuttorsiussaaq decembarip arfineq aappaanni.
Vejlemit inuulluaqqusineq KNR-TV-mit immiunneqassaaq juullikkunni takutinneqassalluni.