Naalakkersuisooqatigiinnissamut isumaqatigiissut Erik Jensenimit isorineqarpoq
Naalakkersuisoqatigiilersussat isumaqatigiissutaat kusanartunik oqaasertaqarpoq, siunnersuutilli qanoq aningaasalersorneqarnissaannik allassimasoqanngilaq, Siumup siulittaasua taama isornartorsiuivoq.
-Innuttaasut atugaasa pitsanngorsarneqarnissaannut suleqataassaagut, tamannali aatsaat tunngavissaqarluartumik akisussaassusilimmillu ingerlanneqarnissaa qulakkeerneqassappat, Inatsisartuni partiini illuatungiliuttussat annerpaartaanni, Siumumi siulittaasoq, Erik Jensen oqarpoq.
Aviisi AG allappoq.
Taassuma naalakkersuisoqatigiilersussat, tassalu Inuit Ataqatigiit aamma Naleraq, suleqatigiissutissatut isumaqatigiissutaat qimerlooqqammerpaa. Isornartorsiugassaqaqaaq, taamaattorli meeqqat inuusuttullu pillugit immikkut annertusisamik suliniutit ingerlanneqarnissaat iluarisimaarpai. Nersualaarinerali tassunga killeqarpoq.
Aningaasalersuinissat
- Qineqqusaarnermi neriorsuuterpassuit ilanngussuunnaveersaarneqarsimapput, qinigaaffiup iluani malersorneqarnissaminnut annikillisaaniarlutik, Erik Jensen oqarpoq, nangillunilu:
-Aammattaaq maluginianngitsuugassaanngilaq anguniakkat suliniutillu qanoq aningaasalersorneqassanersut qanorlu tulleriaarinerit ingerlanneqassanersut isumaqatigiissummi ilaanngimmata.
Erik Jensen naapertorlugu isumaqatigiissut oqaatsinik qulequttanillu taamaallaat imaqarpoq.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: